ბორჯომის ხეობაში ხანძრის შედეგების სალიკვიდაციოდ სახელწმიფო ხაზინაში გახსნილ სპეციალურ ანგარიშებზე ამ დროისთვის, ჩარიცხულია 2 174 100 ლარი. ამის შესახებ ფინანსთა სამინისტრომ On.ge-ს მიაწოდა მონაცემები.

შემომწირველების სია ასე გამოიყურება:

  • ფონდი სიცოცხლის ხე (საქართველოს ბანკი) - 1 000 0000 ლარი;
  • ჯორჯიან უოთერ ენდ ფაუერი - 250 000 ლარი;
  • შპს აკადემიკოს ზ. ცხაკაიას სახელობის დასავლეთ საქართველოს ინტერვენციული მედიცინის ეროვნული ცენტრი - 250 000 ლარი;
  • სს გეფა - 250 000 ლარი;
  • ფეხბურთის ფედერაცია - 403 200 ლარი.

ფინანსთა სამინისტროს განცხადებით, აღნიშნული ფინანსური რესურსი მოხმარდება სტიქიის შედეგად მიყენებული ზიანის ლიკვიდაციას გარემოს დაცვის სამინისტროსთან კოორდინაციით.

ბორჯომის ხეობაში ცეცხლი 20 აგვისტოს გაჩნდა. სახანძრო-სამაშველო ოპერაციაში ჩაერთო აზერბაიჯანული და თურქული ტექნიკა, ასევე ხანძრის ლოკალიზებაში მონაწილეობა სომხეთმა და ბელორუსიამ მიიღეს.