გურჯაანის მუნიციპალიტეტის სოფელ კარდენახში 36 წლის მამაკაცი ცეცხლსასროლი იარაღით მოკლეს. ამის შესახებ ინფორმაციას "მთავარი ამბები კახეთიდან" ავრცელებს.

ადგილობრივების ცნობით, მოკლული საკუთარი სახლიდან სოფლის მიმდებარედ, ვენახების მიმართულებით წაიყვანეს, სადაც მას ცეცხლი გაუხსნეს. კაცი წლების განმავლობაში ამერიკის შეერთებულ შტატებში ცხოვრობდა და მშობლიურ სოფელში რამდენიმე თვის წინ დაბრუნდა.

ადგილობირვი გამოცემის ცნობით, მოსახლეობა მომხდარს რამდენიმე დღის წინ სოფელ ანაგაში მცხოვრებ კაცთან მომხდარ შელაპარაკებას უკავშირებს და ვარაუდობს, რომ დანაშაული სწორედ მან ჩაიდინა. შემთხვევის ადგილზე ამ წუთებში სამართალდამცავები მუშაობენ და მიმდინარეობს საგამოძიებო მოქმედებები.

მომხდართან დაკავშირებით შინაგან საქმეთა სამინისტროში დამატებითი დეტალების დაზუსტება ამ დრომდე გრძელდება.