საქართველოს სახალხო დამცველი ლევან იოსელიანი სახელმწიფო კანცელარიასთან შეკრებილ იმ მშობლებს შეხვდა, რომლებიც თითქმის ერთი თვეა შვილებისთვის აუცილებელ მედიკამენტებსა და სათანადო მკურნალობას ითხოვენ.

შეხვედრაზე ომბუდსმენმა ხაზი გაუსვა შშმ ბავშვთა ჯანმრთელობის უფლების დაცვის კრიტიკულ მნიშვნელობას და მშობლებს სახალხო დამცველის აპარატის მიერ უკვე გაწეული მუშაობის შესახებ მიაწოდა ინფორმაცია.

ლევან იოსელიანმა მშობლებს მათი პრობლემის მიმართულებით სახალხო დამცველის აპარატის მიერ გაწეული მუშაობა გააცნო და შესაბამის უწყებებთან მედიაციაში დახმარება შესთავაზა, რათა პროცესი ბავშვთა საუკეთესო ინტერესების გათვალისწინებით წარიმართოს. ასევე, ისაუბრა გამოხატვის თავისუფლების საკითხზეც და კიდევ ერთხელ მოუწოდა ხელისუფლებას — ხელი შეუწყოს გამოხატვის თავისუფლების სტანდარტის დაცვას.

იხილეთ დამატებითი ინფორმაცია ბმულზე დიუშენით დაავადებული ბავშვებისა და მათი მშობლების შესახებ: დიუშენის სინდრომი