ჟურნალისტ და სამხედრო მიმომხილველ გიორგი ცხვიტავასთან საუბრისას თადარიგის ოფიცერმა, თამაზ იმნაიშვილმა ისაუბრა ევროპის უსაფრთხოების ახალ კონფიგურაციაზე და იმაზე, იქნება თუ არა საქართველოს ადგილი ახალ ევროპულ უსაფრთხოებაში.

"შარშან, როდესაც ახალი არქიტექტურის კონცეფციის პირველ ელემენტებზე დაიწყეს საუბარი, შავი ზღვა და მისი მიმდებარე სამხრეთ კავკასიის ტერიტორია განიხილებოდა, როგორც ევროპის უსაფრთხოების განუყოფელ ნაწილად... ევროპისთვის ეს არის განუყოფელი ნაწილი მომავალი უსაფრთხოებისთვის.", — განაცხადა თამაზ იმნაიშვილმა

მისივე თქმით ევროპას ესაჭიროება სივრცე, მოსახლეობა და ეკონომიკა — "აშშ-ს მთლიანი შიდა პროდუქტი არის დაახლოებით 29.5 ტრილიონი დოლარი, ჩინეთის — 20 ტრილიონი დოლარი, ხოლო ევროკავშირის ქვეყნების, დიდი ბრიტანეთის, თურქეთის, უკრაინის და სამხრეთ კავკასიის ქვეყნების ერთად — 27-28 ტრილიონი დოლარის გამოდის, ევროპას სჭირდება სივრცე, ევროპას სჭირდება მოსახლეობა, ეკონომიკა.

თამაზ იმნაიშვილმა ისაუბრა თურქეთის მნიშვნელობაზე ევროპის უსაფრთხოებაში და შეეხო უკრაინის საკითხსაც.

"ევროპის შავმიწიანი ნიადაგის 60% მოდის უკრაინაზე, მომავალი მსოფლიოსთვის, სადაც საკვების პრობლემები და სასმელი წყლის პრობლემები გარდაუვალად იქნება, ევროპისთვის ეს არის საგანძური. ამავდროულად კრიტიკული მეტალების ერთი დიდი ნაწილი უკრაინაშია.", — ამბობს იმნაიშვილი.

მისი თქმით, რუსეთის მარცხის შემთხვევაში, ლუკაშენკოს რეჟიმიც დომინოს ეფექტივით ჩამოიქცევა, რადგან სხვა საყრდენი არ გააჩნია.

"ბელორუსიის ხელისუფლებაც, საქართველოს ხელისუფლებაც დგას მხოლოდ და მხოლოდ იმაზე, რომ ჯერჯერობით მოსკოვი არის ასეთი [ფეხზე დგას]. სხვა აქ არანაირი საყრდენი არც ბელორუსიაში, ლუკაშენკოს და არც საქართველოში ივანიშვილს არ აქვს", — აღნიშნა იმნაიშვილმა.

სრული ვიდეო ნახეთ აქ: