შინაგან საქმეთა სამინისტროს მცხეთა-მთიანეთის პოლიციის თანამშრომლებმა, ოჯახის წევრის მიმართ ჩადენილი ძალადობისა და მუქარის ბრალდებით, 1987 წელს დაბადებული ი.ა. დააკავეს.

გამოძიების ინფორმაციით, ბრალდებული საკუთარ დედაზე — 1964 წელს დაბადებულ ლ.ა.-ზე — ფსიქოლოგიურად ძალადობდა და მას სიცოცხლის მოსპობით ემუქრებოდა.

"შინაგან საქმეთა სამინსიტროს მცხეთა-მთიანეთის პოლიციის დეპარტამენტის თანამშრომლებმა, ოჯახის წევრის მიმართ ჩადენილი მუქარისა და ძალადობის ბრალდებით 1987 წელს დაბადებული ი.ა. დააკავეს.

სამართალდამცველების მიერ ჩატარებული გამოძიებით დადგინდა, რომ ბრალდებული ფსიქოლოგიურად ძალადობდა დედაზე-1964 წელს დაბადებულ ლ.ა.-ზე.
ასევე, სისტემატურად ემუქრებოდა სიცოცხლის მოსპობით. პოლიციამ ჩატარებული ოპერატიული ღონისძიებებისა და საგამოძიებო მოქმედებების შედეგად, ი.ა. ბრალდებულის სახით დააკავა," — ვკითხულობთ უწყების განცხადებაში.

გამოძიება სისხლის სამართლის კოდექსის 126-ე პრიმა მუხლის 1-ლი ნაწილით და 11 პრიმა 151-ე მუხლით მიმდინარეობს, რაც 3 წლამდე ვადით თავისუფლების აღკვეთას ითვალისწინებს.