ჩეჩნეთის რესპუბლიკის მეთაურს, რამზან კადიროვს, "მეცნიერების განვითარებაში შეტანილი წვლილისთვის" მედალი გადასცეს. ჯილდო მას ჩეჩნეთის მეცნიერებათა აკადემიის პრეზიდენტმა, ჯამბულატ უმაროვმა, სამუშაო შეხვედრის დასასრულს გადასცა. ამის შესახებ ინფორმაციას ადგილობრივი მედია ავრცელებს.

დაჯილდოება აკადემიის მიერ ჩატარებული რამდენიმე მნიშვნელოვანი კვლევის პრეზენტაციას მოჰყვა. შეხვედრაზე საუბარი შეეხო ჩეჩნეთის ისტორიისა და ენის შესწავლის საკითხებს, რის შემდეგაც უმაროვმა კადიროვის როლი სამეცნიერო სფეროს მხარდაჭერაში სპეციალური მედლით აღნიშნა.

როგორც შეხვედრაზე ითქვა, ჯილდო კადიროვის ხელშეწყობით განხორციელებულ რამდენიმე პროექტს უკავშირდება.

რამზან კადიროვმა ჯილდოს მიღების შესახებ ტელეგრამ არხზეც დაწერა. მან ჯამბულატ უმაროვს სა კვლევით სამუშაოებში მონაწილეებს მადლობა გადაუხადა.

"მადლიერი ვარ ასეთი ძვირფასი ჯილდოსთვის. გულწრფელ მადლობას ვუხდი ჯამბულატ უმაროვს და ყველას, ვინც წვლილი შეიტანა ამ მნიშვნელოვან კვლევით სამუშაოში", — დაწერა კადიროვმა.