"განვიხილეთ ჩვენი პარტნიორობის გადატვირთვისა და სამხრეთ კავკასიაში საქართველოს, როგორც ძლიერი პარტნიორის როლის გაძლიერების მნიშვნელობა", — წერს ირაკლი კობახიძე X-ზე აშშ-ის სახელმწიფო მდივან მარკო რუბიოსთან სატელეფონო საუბარზე.

"პროდუქტიული სატელეფონო საუბარი მქონდა აშშ-ის სახელმწიფო მდივან მარკო რუბიოსთან. ჩვენ განვიხილეთ ჩვენი პარტნიორობის გადატვირთვისა და სამხრეთ კავკასიაში საქართველოს, როგორც ძლიერი პარტნიორის, როლის გაძლიერების მნიშვნელობა. ერთგულნი ვართ საქართველო-აშშ-ს კავშირების განმტკიცებისა და რეგიონული სტაბილურობისა და კავშირის ხელშეწყობის მიმართ", — წერს ირაკლი კობახიძე X-ზე.

მარკო რუბიო ირაკლი კობახიძეს ტელეფონით ესაუბრა. ამის შესახებ ირაკლი კობახიძისა და მარკო რუბიოს შორის შემდგარ სატელეფონო საუბარზე ინფორმაცია "რადიო თავისუფლებას" აშშ-ს სახელმწიფო დეპარტამენტმა მიაწოდა. კერძოდ, სახელმწიფო დეპარტამენტის პრესსპიკერის მოადგილემ ტომი პიგოტმა განაცხადა:

"დღეს სახელმწიფო მდივანი მარკო რუბიო ესაუბრა საქართველოს პრემიერმინისტრ ირაკლი კობახიძეს. მათ იმსჯელეს ორმხრივი ინტერესის სფეროებზე, კავკასიასა და შავი ზღვის რეგიონში უსაფრთხოების ჩათვლით", — წერს "რადიო თავისუფლება" გავრცელებულ ინფორმაციაში.