დიდი ხნის განმავლობაში, მენეჯმენტი ასოცირდებოდა საათივით აწყობილ მექანიზმთან, რომელიც მკაცრად აკონტროლებს თანამშრომლების მუშაობას და უწევს მათ მუდმივ ზედამხედველობას.

თუმცა, დროთა განმავლობაში, თანამედროვე კომპანიები მიხვდნენ, რომ კარგი მენეჯმენტი არა თანამშრომლებზე დაკვირვება, არამედ ადამიანებზე ზრუნვა და მათი ხელშეწყობაა. კარგი მენეჯმენტი თანამშრომლისთვის ქმნის ისეთ გარემოს, რომელშიც თითოეული ადამიანი თავს კომპანიის ღირებულ ნაწილად იგრძნობს.

როგორ უნდა იზრუნოს მენეჯმენტმა?

დღეს ნიჭიერი თანამშრომლის შენარჩუნების მთავარი საშუალება არა მაღალი ანაზღაურება, არამედ განვითარებაზე ორიენტირებული გარემოა. მაგალითად, თუკი დასაქმებულისთვის ხელფასი მისაღებია, მაგრამ მუშაობის პროცესი მეტ-ნაკლებად სტრესული — გრძელვადიანი თანამშრომლობა თითქმის წარმოუდგენელია.

კომპანიის მთავარ უპირატესობას განვითარებაზე ორიენტირებული გარემო წარმოადგენს, რომელიც სამ ძირითად პრინციპს ეფუძნება:

მენტალური კეთილდღეობა — ბალანსი, როგორც პროდუქტიულობის საფუძველი

კარგი მენეჯმენტის ერთ-ერთი მნიშვნელოვანი პრიორიტეტი, თანამშრომლის მენტალურ კეთილდღეობაზე ზრუნვაა. როდესაც თანამშრომელი გრძნობს, რომ სამუშაო პროცესში მის მენტალურ ჯანმრთელობაზე ზრუნავენ, პროდუქტიულობაც იზრდება.

გარდა ამისა, კარგ მენეჯმენტს მკაფიოდ უნდა ესმოდეს, რომ სამუშაო და პირად ცხოვრებას შორის არსებობს ბალანსი, რომლის დაცვა მნიშვნელოვანია. იმ შემთხვევაში, როცა ბალანსი ირღვევა, თანამშრომელი კარგავს ენთუზიაზმს, შრომისუნარიანობასა და საქმის დასრულების სურვილს, რაც, ცალსახად, აისახება სამუშაოს შედეგებზე.

აღიარება და ავტონომია — ნდობაზე დაფუძნებული თანამშრომლობა

კიდევ ერთი მნიშვნელოვანი საკითხი, რომელსაც კარგი მენეჯმენტი ითვალისწინებს, არის თანამშრომლების ნდობა — მაგალითად, როცა მენეჯერი ნიჭიერ თანამშრომელს აძლევს დამოუკიდებლად გადაწყვეტილების მიღების საშუალებას.

გარდა ამისა, მუშაობის პროცესში კომპანიის მხრიდან თანამშრომლების დაფასება და მათი შესრულებული საქმის აღიარება წარმატებული თანამშრომლობის გარანტია.

უწყვეტი განათლება — ინვესტიცია, რომელიც სამუდამოდ რჩება

როდესაც საუბარია თანამშრომლის განვითარებაზე, ხშირად მოიაზრება პატარ-პატარა შეხვედრები, თუმცა დასაქმებულის მიმართ რეალური ზრუნვა მათთვის უწყვეტი განათლების მიცემის შესაძლებლობაა.

შედეგად, კომპანიის თანამშრომლები ეუფლებიან ახალ, თანამედროვე ტენდენციებზე მორგებულ უნარებს, მენეჯმენტი კი იღებს მაღალკვალიფიციურ თანამშრომელს, რომელსაც ახალი, განსხვავებული ხედვა შემოაქვს მუშაობის პროცესში. შესაბამისად, ეს არის ინვესტიცია, რომელიც არასოდეს უფასურდება.

⁠რატომ არის უცხო ენა მენეჯმენტის ყველაზე მომგებიანი ინვესტიცია?

დღესდღეობით ინგლისური ენა უნივერსალური კომუნიკაციის მთავარი საშუალებაა, რომელიც სხვადასხვა კულტურისა და პროფესიის ადამიანებს აკავშირებს.

ვინაიდან მსოფლიო პროფესიული რესურსებისა და ლიტერატურის უდიდესი ნაწილი სწორედ ინგლისურადაა ხელმისაწვდომი, ამ ენის ფლობა ადამიანს აძლევს შესაძლებლობას, იყოს გლობალური პროცესების მონაწილე და ჰქონდეს შეუზღუდავი წვდომა უახლეს ინფორმაციასა და საგანმანათლებლო რესურსებზე.

გარდა ამისა, ინგლისურის ენის ცოდნა თანამშრომელს ეხმარება, მარტივად შევიდეს კომუნიკაციაში უცხოელებთან, რაც ზრდის მის თავდაჯერებულობას, აძლევს გამოცდილებასა და ენის არცოდნის გამო ნაკლებად არის სტრესში. ამასთანავე, თანამშრომელი, რომელიც გამართულად ფლობს ინგლისურს, მნიშვნელოვანია მენეჯმენტის წარმატებისათვის.

აღსანიშნავია ისიც, რომ უცხო ენის ჯგუფური სწავლება ეფექტური Teambuilding-ია. The Guardian-ის კვლევის მიხედვით, კორპორაციული სწავლება ხელს უწყობს ცოდნის გაზიარებას, ერთმანეთისგან სწავლასა და სხვადასხვა უნარის განვითარებას. ამასთანავე, ჯგუფური გაკვეთილები ადამიანს ეხმარება ინფორმაციის უკეთ ათვისებაში.

ბექას სკოლა — გამოცდილი პარტნიორი ამ გზაზე

სწორედ აქ ერთვება ბექას სკოლა, სადაც ინგლისურის შესწავლა უშუალოდ კომუნიკაციასა და პრაქტიკას ეფუძნება.

8-წლიანი სტაჟითა და 80-ზე მეტი პარტნიორი კომპანიით, (მათ შორის, ბანკები, კორპორაციები, საერთაშორისო არასამთავრობო ორგანიზაციები, ადგილობრივი სტარტაპები) ბექას სკოლამ კარგად იცის კორპორაციული სექტორის მოთხოვნები და ის ამ საქმეში ნამდვილად გამოცდილია.

ბექას სკოლა თანამედროვე კომპანიებს სთავაზობს მათ საჭიროებებზე მორგებულ კურსს, ქართველი და უცხოელი მასწავლებლების ჩართულობას, კურსის დაგეგმვას, მოქნილ გრაფიკს, არაფორმალურ აქტივობებს, ცოდნის დამადასტურებელ სერტიფიკატსა და, რაც მთავარია, გაკვეთილების ჩატარებას როგორც საკლასო, ისე ონლაინ სივრცეში.

თუ გსურს, თქვენს თანამშრომლებს ხელი შეუწყოთ პროფესიულ განვითარებაში და ამით კომპანიასაც სარგებელი მოუტანოთ, ინგლისური ენის სწავლა ბექას სკოლაში კარგი დასაწყისია.

გაეცანი ბექას სკოლის კორპორაციულ სერვისს და იზრუნე შენი თანამშრომლების განვითარებაზე.