თბილისის მერობის დამოუკიდებელმა კანდიდატმა, ალექსანდრე ელისაშვილმა და მისმა გუნდმა დაპირებების გასაკონტროლებლად ახალი ონლაინპლატფორმა - chemitbilisi.ge შექმნა. ელისაშვილის თქმით, პლატფორმა თბილისელების ინფორმირებულობისა და ჩართულობის გაზრდასაც ითვალისწინებს:

"მოსახლეობას ცენტრალიზებულად ერთ ადგილას შეეძლება ინფორმაციის მიღება ქალაქთან დაკავშირებულ სერვისებთან, პროექტებთან და პრობლემებთან დაკავშირებით".

მერობის კანდიდატის თქმით, პლატფორმის საშუალებით მოსახლეობა საკუთარი იდეებისა და პრობლემების მერიისთვის მიწოდებას მარტივად შეძლებს, ამავე დროს, მოქალაქეები შეძლებენ თვალი ადევნონ მათი გზავნილის მოგვარების ყველა ეტაპს.