რუსეთის საგარეო საქმეთა მინისტრმა სერგეი ლავროვმა განაცხადა, რომ აშშ-ს სურვილი, გააკონტროლოს სხვა ქვეყნები, არ დასრულდება მხოლოდ ვენესუელით, ირანითა და კუბით. მის სიტყვებს რუსული მედია ციტირებს.

"მარკო რუბიომ, ჟურნალისტის კითხვის საპასუხოდ, ცოტა ხნის წინ გამოთქვა მოსაზრება, რომ შეერთებული შტატები ისევე შეეცდება ირანის მართვას, როგორც მათ ვენესუელას შემთხვევაში განაცხადეს. ახლა ისინი მსგავს სქემას ცდილობენ კუბისთვის. და ეს, ალბათ, არ არის დასასრული", — განაცხადა მან პრესკონფერენციაზე.

ლავროვის თქმით, ვაშინგტონთან ფუნდამენტური საუბარი იმის შესახებ, თუ როგორ უყურებს ის სამყაროს და რა როლს ანიჭებს სხვებს, დიდი ხანია დაგვიანებულია.

მისივე თქმით, მსოფლიო საერთაშორისო სამართლის დეფიციტს განიცდის, ისევე როგორც ეს მე-19 საუკუნეში იყო.

ლავროვმა დასძინა, რომ თეთრი სახლის ქმედებებმა შეიძლება გააძლიეროს ბირთვული იარაღის მომხრეები ირანსა და მეზობელ ქვეყნებში. ამჟამინდელი საერთაშორისო სიტუაცია პრობლემების არსებობაზე მიუთითებს, საერთაშორისო სამართალსა და მის არარსებობას შორის კონფლიქტია, როგორც ეს, მაგალითად, მე-19 საუკუნეში იყო.

"ეს ასახავს იმ ღრმა პრობლემებს, რომლებიც ახლა წამოიჭრა და რომლებიც, უპირველეს ყოვლისა, საერთაშორისო სამართალსა და საერთაშორისო სამართლის არარსებობას შორის კონფლიქტია, როგორც ეს იყო, ვთქვათ, მე-19 საუკუნეში, სანამ პირველი მსოფლიო ომის შემდეგ გარკვეული შეთანხმებები იქნებოდა მიღწეული, ხოლო შემდეგ, მეორე მსოფლიო ომის შემდეგ, გაეროს ქარტია მიღებულ იქნა და გაერთიანებული ერების ორგანიზაცია შეიქმნა", — განაცხადა მან.