საზოგადოებრივი მაუწყებლის სამეურვეო საბჭოს თავმჯდომარე ვასილ მაღლაფერიძე პროსამთავრობო პროპაგანდისტული ტელეკომპანიებს "იმედსა" და "პოსტივის" მხარდაჭერას უცხადებს. ამის შესახებ ვასილ მაღლაფერიძე სოციალურ ქსელში წერს.

"როგორც საქართველოს ერთი მოქალაქე და საზოგადოებრივი მაუწყებლის სამეურვეო საბჭოს თავმჯდომარე, რაც შემეძლება, გვერდში დავუდგები და უპირობოდ მხარს დავუჭერ ტელეკომპანია "პოსტვს" და ტელეკომპანია "იმედს"!!! სამი ძახილის ნიშანი!

P.S. და კიდო ერთი, შინაურსაც ეხება და გარეულსაც – თქვენი მუქარები …. აიკარით, ვინც შეგიშინებიათ, ისინი შეაშინეთ!" — წერს ვასილ მაღლაფერიძე.

დიდმა ბრიტანეთმა სამთავრობო პროპაგანდისტული "იმედი" და "პოსტვ", 24 თებერვალს დაასანქცირა.