18 თებერვალს თბილისში 2026 წლის სტუმარ-მასპინძლობის საინვესტიციო ფორუმი გაიმართა, რომელშიც მონაწილეობდნენ გლობალური სასტუმროების ბრენდების, რეგიონული განვითარების ლიდერების, დეველოპერების, ინვესტორების, ფინანსური და საჯარო სექტორის წარმომადგენლები.

ფორუმზე, მაღალი დონის პანელურ დისკუსიაში — საქართველოს ტურიზმის ისტორია: რა აქცევს ინტერესს ინვესტიციად? — მონაწილეობდა გალტ & თაგარტის კვლევების დეპარტამენტის ხელმძღვანელი, ევა ბოჭორიშვილი, რომელმაც ტურიზმის სექტორის დინამიკა და საინვესტიციო მზაობის საკითხები მიმოიხილა.

პანელურ დისკუსიაში ასევე მონაწილეობდნენ ადგილობრივი და საერთაშორისო ორგანიზაციების წარმომადგენლები, რომლებმაც განიხილეს, როგორ გარდაიქმნება მზარდი ტურისტული ინტერესი რეალურ საინვესტიციო პროექტებად — სასტუმროებად, კურორტებად, შერეული დანიშნულების თუ სხვა ტიპის აქტივებად.

დისკუსიისას ყურადღება გამახვილდა კაპიტალის განაწილებაზე, ინსტიტუციური დაფინანსების როლზე, რისკების შემცირების მექანიზმებზე, ბანკების ჩართულობაზე სასტუმროების განვითარებასა და სხვა საკითხებზე.

ფორუმი გახლდათ მნიშვნელოვანი პლატფორმა B2B შეხვედრებისა და სტრატეგიული პარტნიორობების განხილვისთვის, რაც სექტორში კონკრეტული პროექტების ფორმირებასა და განხორციელებას უწყობს ხელს.