ბათუმის მუნიციპალიტეტის ინსპექცია გავრცელებულ ინფორმაციას, რომლის მიხედვითაც თითქოს ე.წ. თევზის რესტორნების დემონტაჟი ხდება, სოციალურ ქსელში გამოეხმაურა. მათი თქმით ეს ცნობები არასწორია და რეალურად სახელმწიფო ტერიტორიაზე განთავსებული უნებართვო ობიექტის დემონტაჟი მიმდინარეობს.

"სხვადასხვა მედია საშუალებამ არასწორი ინფორმაცია გაავრცელა, თითქოს ე.წ. თევზის რესტორნების დემონტაჟი ხორციელდება. მოგახსენებთ, რომ ბათუმის მუნიციპალური ინსპექციის თანამშრომლების მიერ, მიმდინარეობს სახელმწიფო ტერიტორიაზე განთავსებული უნებართვო ობიექტის დემონტაჟი. ბათუმის მუნიციპალური ინსპექცია მოქმედებს კომპეტენციისა და კანონის სრული დაცვით", — დაწერა ბათუმის მუნიციპალურმა ინსპექციამ.