"მაშინ, როდესაც ირანის მკვლელი რეჟიმი აქტიურადაა ჩართული ტერორისტულ საქმიანობაში, თბილისში გადაწყვიტეს მათთან ერთად ისლამური რევოლუციის წლისთავი იზეიმონ მთაწმინდის ანძის ირანის დროშის ფერებში განათებით", — ამის შესახებ საქართველოში ისრაელის საელჩო სოციალურ ქსელში წერს და გუშინ, 11 თებერვალს, ირანის ისლამური რევოლუციის წლისთავზე, თბილისის ანძის ირანის დროშის ფერებში განათებას ეხმაურება.

"მაშინ, როდესაც ირანის მკვლელი, ტერორის მხარდამჭერი რეჟიმი ათასობით ადამიანს ხოცავს თავისი ქალაქების ქუჩებში, ჩაგრავს საკუთარ მოქალაქეებს და აქტიურად არის ჩართული ტერორისტულ საქმიანობაში როგორც რეგიონში, ისე მთელ მსოფლიოში, თბილისში გადაწყვიტეს ამავე რეჟიმთან ერთად ირანში ისლამური რევოლუციის წლისთავი იზეიმონ მთაწმინდის ანძის ირანის დროშის ფერებში განათებით.

რა გზავნილია ეს თბილისისგან რეგიონისთვის, მსოფლიოსა და ირანის იმ მოქალაქეებისთვის, რომლებიც ამდენი ხანია თავისუფლებისა და დემოკრატიისთვის იბრძვიან?", — წერს საქართველოში ისრაელის საელჩო სოციალურ ქსელში.