ეშმაკს აცვია პრადას გამოსვლიდან ოცი წლის შემდეგ, ფილმი ახალი ნაწილით ბრუნდება. 20th Century Studio-მ სულ ახლახან მისი ტრეილერი გამოაქვეყნა.

2006 წელს გამოსული ფილმის მეორე ნაწილს ორიგინალი სამსახიობო შემადგენლობის მონაწილეობით დისნეი იღებს. მოდის ჟურნალის მთავარი რედაქტორის, მირანდა პრისლის, როლს მერილ სტრიპი შეასრულებს. მისი ასისტენტების, ანდრეასა და ემილის, როლებში კი კვლავ ენ ჰეთეუეისა და ემილი ბლანტს ვიხილავთ.

როგორც ტრეილერიდან ვიგებთ, მირანდა პრისლი ცდილობს, ტრადიციული ბეჭდური მედიის ციფრულით ჩანაცვლების ეპოქაში კარიერულ წარმატებებს მიაღწიოს. მირანდას მთავარი კონკურენტი კი მისი ყოფილი ასისტენტია, რომელიც უკვე მდიდრული სარეკლამო კომპანიის აღმასრულებელი დირექტორია.

ფოტო: 20th Century Fox

რაც შეეხება მსახიობებს, ეშმაკს აცვია პრადას მეორე ნაწილში მთავარი პერსონაჟების როლების შემსრულებლების გარდა, სტენლი ტუჩის, პატრიკ ბრემალს, ლუსი ლიუს, ლედი გაგას, პოლინ შალამესა და სიმონ აშლის ვიხილავთ. ახალ ფილმში არ დაბრუნდება ადრიან გრენიე, რომელიც პირველ ნაწილში ანდრეას შეყვარებულის როლს თამაშობდა.

როგორ შეძლებენ მირანდა და ემილი თანამშრომლობას ან როგორ აღადგენს მირანდა ტრადიციული ბეჭდური მედიის ძველ დიდებას? — ამ კითხვებზე პასუხს ძალიან მალე გავიგებთ, რადგან ფილმს ეკრანებზე 1-ელ მაისს ვიხილავთ.