კინომოყვარულებისთვის ერთი რამ ცხადია: იმის მიუხედავად, რომ ახალ-ახალ ფილმებსა თუ ადაპტაციებს მუდამ ველოდებით, მაინც ერთსა და იმავე ფილმებს ვუყურებთ — თანაც, იმდენად ხშირად, რომ მათი გამოსვლის თარიღიც გვავიწყდება. ცოტა ხნით რომ დავფიქრდეთ, მალევე აღმოვაჩენთ, რომ ჩვენთვის საყვარელი ფილმების გამოსვლიდან წარმოუდგენლად დიდი დროა გასული.

მაშ ასე, წარმოგიდგენთ 20 ფილმს, რომელსაც 2026 წელს 20 წელი უსრულდება:

1. ეშმაკს აცვია პრადა (The Devil Wears Prada)

ეშმაკს აცვია პრადა ნამდვილად იმ ფილმების კატეგორიას მიეკუთვნება, რომლებიც პოპულარობას ათწლეულების შემდეგაც არ კარგავს. რთული დასაჯერებელია, რომ ამ საკულტო ფილმის გამოსვლიდან, თითქმის, 20 წელი გავიდა.

აღსანიშნავია, რომ ფილმის მეორე ნაწილს 2026 წლის 1-ელ მაისს, პირველი ფილმის გამოსვლიდან 20 შემდეგ, ვიხილავთ.

2. და ვინჩის კოდი (The Da Vinci Code)

და ვინჩის კოდი 2003 წლის, ამავე სახელწოდების, ბესტსელერის ადაპტაციაა. ფილმმა მაყურებლის სიყვარულთან ერთად, დიდ კომერციულ წარმატებასაც მიაღწია და კინოგაქირავებას $760 მილიონი დოლარი მოუტანა.

ის თუ იცოდით, რომ ფილმი სინგაპურში, ტაილანდში, პაკისტანში, ფილიპინებში, ინდოეთში, სოლომონის კუნძულებზე, ჩინეთში, შრი-ლანკასა და ლიბანში აკრძალულია?

3. მარია ანტუანეტა (Marie Antoinette)

სოფია კოპოლას რიგით მესამე ფილმსაც 20 წელი უსრულდება.

მიუხედავად იმისა, რომ ამ ფილმმა კინოგაქირავებას გასაოცარი შემოსავალი არ მოუტანა, ის ზოგიერთი ჩვენგანის გულში საპატიო ადგილს იკავებს.

4. შვებულება (The Holiday)

ეს ფილმი ნამდვილად გამოირჩევა ვარსკვლავური შემადგენლობით: კამერონ დიაზი, ჯექ ბლეკი, ქეით უინსლეტი, ჯუდ ლოუი და სხვები.

გჯერათ, რომ ზუსტად 20 წლის წინ გაიცნეს ერთმანეთი ამ პერსონაჟებმა?

5. ფორსაჟი 3 (Fast and Furious 3)

მიუხედავად იმისა, რომ ფორსაჟის ამ ნაწილში პოლ უოკერი არ ჩანს, ფორსაჟი 3 მაინც ბევრი ადამიანის საყვარელი ფილმია.

6. კარიბის ზღვის მეკობრეები: მიცვალებულის სკივრი (Pirates of the Caribbean: Dead Man’s Chest)

ალბათ, ბევრი დაგვეთანხმებით, რომ კარიბის ზღვის მეკობრეები ნამდვილად საკულტო ფილმია. ფილმის მეორე ნაწილს კი 20 წელი უსრულდება.

1 მილიარდ დოლარზე მეტი გამომუშავებული თანხითა და საუცხოო ისტორიით, ეს ფილმი ბევრი ჩვენგანისთვის ბავშვობის მოგონებებთან ასოცირდება.

7. ორმაგი თამაში (The Departed)

მატ დეიმონი, ვერა ფარმიგა, ლეონარდო დიკაპრიო, ჯეკ ნიკოლსონი, ალეკ ბალდვინი — ამ ვარსკვლავურ შემადგენლობას სწორედ ორმაგ თამაშში შეხვდებით.

მარტინ სკორსეზეს ფილმს 20 წელი უსრულდება.

8. იქს ადამიანები: უკანასკნელი ბრძოლა (X-Men: The Last Stand)

მარველის გულშემატკივრების ერთ-ერთი ყველაზე გამორჩეული ფილმი 20 წლის ხდება.

სხვათა შორის, როგორც მარველის სტუდიამ დააანონსა, შურისმაძიებლების ახალ ნაწილში, იქს-ადამიანების პერსონაჟების შემსრულებელ მსახიობებსაც უნდა ველოდოთ. ვნახოთ, როგორ განვითარდება მოვლენები.

9. 300

ჯეკ სნაიდერის მიერ გადაღებულმა ფილმმა მასშტაბური წარმატება მოიპოვა კინოგაქირავებაში და $65 მილიონი ბიუჯეტით, $456 მილიონი გამოიმუშავა.

10. საშიში კინო 4 (Scary Movie 4)

მიუხედავად იმისა, რომ ფილმის სახელწოდება მასში ნაჩვენები ისტორიებისგან რადიკალურად განსხვავდება, ის ერთ-ერთი ყველაზე სასაცილო საშიში ფილმია.

11. მაიამის პოლიცია (Miami Vice)

რთულად წარმოსადგენია, რომ მაიამის პოლიცია 20 წლის წინ გამოვიდა. 1984 წელს გამოსული კინო, რომელიც NBC-ის ტელესერიალს ეფუძნება, დღემდე ბევრი ადამიანის საყვარელი ფილმია.

12. პატარა მის ბედნიერება (Little Miss Sunshine)

2006 წელს გამოსულმა ინდი-კომედიამ ოსკარი 2 ნომინაცია და ორი გამარჯვება მოიპოვა. $2 მილიონი დოლარის ბიუჯეტით, ფილმმა კინოგაქირავებას $100+ მილიონი მოუტანა და ხალხის დიდი სიყვარულიც მოიპოვა.

13. ის კაცია (Shes the Man)

დარწმუნებით შეგვიძლია ვთქვათ, რომ ამანდა ბაიერნსისა და ჩენინგ ტატუმის ამ საკულტო ფილმმა, ბევრ ჩვენგანს, ბავშვობა გაგვილამაზა.

14. პატარა კაცი (Little Man)

კიდევ ერთი კომედია, რომელიც რატომღაც განსაკუთრებით ჩაიბეჭდა ბევრი ჩვენგანის გონებაში არის — პატარა კაცი. ამის მიუხედავად, ფილმს დიდი კომერციული წარმატება არ ჰქონია.

15. ფავნის ლაბირინთი (Pan’s Labyrinth)

გილერმო დელ ტოროს ეს ფანტასტიკური და, ამავდროულად, შემაძრწუნებელი ფილმიც 20 წლის წინ გამოვიდა. გეთანხმებით, დრო ძალიან სწრაფად გადის.

16. მასპინძელი (The Host)

სამხრეთ კორეაში გადაღებულმა ამ საი-ფაი დრამამ თავი ბევრ ჩვენგანს დაგვამახსოვრა.

17. დაბრუნება (Volver)

პედრო ალმოდორავის ეს ლეგენდარული ფილმი 20 წლის წინ გამოვიდა. ალბათ, დაგვეთანხმებით, რომ პენელოპა კრუზმა ამ როლს შესანიშნავად გაართვა თავი.

18. ჩაჭრილები (Accepted)

კიდევ ერთი საკულტო კომედია, რომელიც ახლა 20 წლის ხდება, ჩაჭრილებია. ფილმმა ბევრი ჩვენგანის სევდიანი დღეები ნამდვილად გაახალისა.

19. კაცობრიობის შვილი (Children of Men)

ამავე სახელწოდების ნოველის მიხედვით გადაღებული ფილმი მოგვითხრობს იმაზე, რა შეიძლება დაემართოს კაცობრიობას იმ შემთხვევაში, თუ რეპროდუქცია შეწყდება.

20. სხვების ცხოვრება (The Lives of Others)

ჩვენდა გასაკვირად, უკვე 20 წელი გავიდა, რაც სხვების ცხოვრება ეკრანებზე ვიხილეთ. თითქმის რეალურ ისტორიაზე დაფუძნებულმა გერმანულმა ფილმმა, ბევრი ადამიანი განცვიფრებული დაგვტოვა.