"მე ვარ აქ ის ხმა, რომელიც უნდა ესმოდეთ ევროპარლამენტში, რომ საქართველოში ხალხი კიდევ იბრძვის, რომ ჟურნალისტები კიდევ იბრძვიან, რომ დემოკრატიისა და თავისუფლებისთვის ჯერ არ დამთავრებულა ჩვენი ბრძოლა", — განაცხადა ბრიუსელში მყოფმა საქართველოს მე-5 პრეზიდენტმა, სალომე ზურაბიშვილმა "პუბლიკის" მიერ გავრცელებულ ვიდეოში.

მისი თქმით, "ახალი ცენტრი იქმნება, რომელიც იქნება ღია კანდიდატი ქვეყნებისა და სამოქალაქო საზოგადოების წარმომადგენლებისთვის. დღეს პირდაპირი დახმარება EU-დან უფრო და უფრო რთული ხდება და ეს იქნება ერთ-ერთი შესაძლო გზა იმისთვის, რომ ვიარსებოთ".

"მე ვარ აქ ის ხმა, რომელიც უნდა ესმოდეთ ევროპარლამენტში საქართველოს მხრიდან, რომ ხალხი კიდევ იბრძვის, რომ ჟურნალისტები კიდევ იბრძვიან, რომ დემოკრატიისა და თავისუფლებისთვის ჯერ არ დამთავრებულა ჩვენი ბრძოლა და რომ ის რუსეთის მცდელობა, რაც არის რუსეთის მცდელობა ჰიბრიდული ომი საქართველოს წინააღმდეგ, ეს არის ის საფრთხე, რაც ყველას ელის, თუკი ვერ დაინახეს რაც ხდება დღეს საქართველოში და თუ ამაზე არ ექნათ ადეკვატური რეაქცია. ის, რომ ესმოდეთ ის საფრთხეები, რაც არსებობს, ის გამოწვევები და ამაზე უფრო ეფექტური რეაქციაც მოახდინონ.

საინტერესო იყო დღევანდელი ფორუმი, სადაც ბევრი გამოსვლები იყო და ბოლო გამოსვლა, რომელიც ჩემთვის ყველაზე ნიშანდობლივი და საინტერესო იყო - კომისარის დემოკრატიისთვის, რომელმაც გამოაცხადა, რომ ახალი ცენტრი იქმნება, რომელიც იქნება ღია სწორედ კანდიდატი ქვეყნებისთვისაც და წარმომადგენლებისთვის სამოქალაქო საზოგადოებიდან, რომლებიც დღესაც იბრძვიან და მათი ბრძოლის დასახმარებლად. ჩვენ ყველამ ვიცით, რომ დღევანდელ დღეს პირდაპირი დახმარება ევროკავშირიდან საქართველოში უფრო და უფრო რთული ხდება და ეს იქნება ერთ-ერთი შესაძლო გზა იმისთვის, რომ ვიარსებოთ აქ, მოვამზადოთ მომავალი, რამეთუ ჩვენი მომავალი არის აქ — ევროპაში," — განაცხადა საქართველოს მე-5 პრეზიდენტმა, სალომე ზურაბიშვილმა.

სალომე ზურაბიშვილი ბრიუსელში იმყოფება, სადაც მონაწილეობა მიიღო ევროპარლამენტის საპარლამენტო ჯგუფის, Renew Europe-ის ორგანიზებით გამართულ "გლობალურ ევროპულ ფორუმში".