შსს-ს სასაზღვრო პოლიციის სახმელეთო საზღვრის დაცვის დეპარტამენტმა სახელმწიფო საზღვრის უკანონო კვეთის ბრალდებით ბანგლადეშის ექვსი მოქალაქე დააკავა.

უწყების თქმით, ბრალდებულები სასაზღვრო საკონტროლო პუნქტის გვერდის ავლით თურქეთში მოხვედრას ცდილობდნენ.

გამოძიება საქართველოს სახელმწიფო საზღვრის უკანონოდ, ჯგუფურად გადაკვეთის მცდელობის ფაქტზე მიმდინარეობს (სისხლის სამართლის კოდექსის 19-344-ე მუხლის მე-2 ნაწილის "ა" ქვეპუნქტით), რაც ისჯება თავისუფლების აღკვეთით ვადით ოთხიდან ხუთ წლამდე.