4 იანვარს, მარნეულის ბაზარში დაჭრილი კაცი გარდაიცვალა. რადიო მარნეულის ინფორმაციით, მამა-შვილი, რომლებიც მარნეულის ბაზარში ოქროს ნაკეთობებით ვაჭრობდნენ ცეცხლსასროლი იარაღით დაჭრეს.

დაჭრილი მამა "ჯეო-ჰოსპიტალსის" სამედიცინო ცენტრში გადაიყვანეს, ხოლო შვილი, 27 წლის ბიჭი — "ავერსის" კლინიკაში, სადაც ის გარდაიცვალა.

მომხდარის შემდეგ, გარდაცვლილის ოჯახის წევრები კლინიკის პერსონალს ფიზიკურად დაუპირისპირდნენ.

აღნიშნულ ფაქტთან დაკავშირებით შსს-მ გამოძიება სისხლის სამართლის კოდექსის 126-ე და 187-ე მუხლებით დაიწყო, რაც ძალადობასა და ნივთის დაზიანებას ან განადგურებას გულისხმობს.

თავდასხმასთან დაკავშირებით გამოძიება მე-19, 109-ე მუხლით მიმდინარეობს, რაც დამამძიმებელ გარემოებაში განზრახ მკვლელობის მცდელობას გულისხმობს.