"ფარცხალაძეს საქართველოს მოქალაქეობა დაკარგული აქვს, რუსეთის მოქალაქეობა აქვს, რაც ართულებს ექსტრადიციის პროცესს", — ამის შესახებ ოცნების აპრლამენტის თავმჯდომარემ, შალვა პაპუაშილმა ბრიფინგზე ლევან ჯანგველაძის მკველობის საქმეზე საუბრისას განაცხადა. მისივე თქმით, მნიშვნელოვანია ყველა დამნაშავემ აგოს პასუხი.

"მადლობა ეთქმის ჩვენს სამართალდამცავ ორგანოებს, რომლებმაც ძალიან დეტალურად იმუშავეს, რთული საგამოძიებო პროცესი იყო მთლიანად. ვინაიდან, ვხედავდით, რომ სხვადასხვა ადამიანი იყო ჩართული, მათ შორის დადასტურდა, რომ ამ მკვლელობის ორგანიზატორი ქვეყნის გარეთ არის. ხდებოდა ხელის დაფარება ერთმანეთის მიმართ. ვხედავდით, რომ აღმსრულებლები ვინც იყვნენ დაკავებულები, არ იძლეოდნენ ჩვენებებს. საბოლოო ჯამში, გამოძიებამ სრული სურათი გაშიფრა. ვნახეთ, შსს-ს განცხადებით, ვინ იყო ორგანიზატორი, ვინ იყო შემსრულებელი, რა იყო მოტივი. მადლობა სამართალდამცავ ორგანოებს ამ ძალიან მძიმე და რთული საქმის გამოძიებისთვის. ახლა მნიშვნელოვანია, ყველა პირი, რომელიც ბრალდებულია, დაკავებული იყოს.

რამდენიმე ადამიანი იმალება სხვადასხვა ადგილას. ზოგი ევროპაშია, ზოგი რუსეთში. რამდენადაც ვიცით, ფარცხალაძეს საქართველოს მოქალაქეობა დაკარგული აქვს, რუსეთის მოქალაქეობა აქვს, რაც ართულებს ექსტრადიციის პროცესს. მნიშვნელოვანია ყველა დამნაშავემ აგოს პასუხი", — განაცხადა შალვა პაპუაშილმა.

შეგახსენებთ, რომ დღეს შს მინისტრის მოადგილემ, ალექსანდრე დარახველიძემ განაცხადა, რომ ბიზნესმენ ლევან ჯანგველაძის მკვლელობას ყოფილი გენერალური პროკურორი ოთარ ფარცხალაძე ხელმძღვანელობდა და მისი ლიკვიდაცია ძმებ მიქაძეებთან ერთად დაგეგმა.

როგორც ოცნების ხელისუფლების შინაგან საქმეთა მინისტრის მოადგილემ, ალექსანდრე დარახველიძემ ბრიფინგზე განაცხადა, ოთარ ფარცხალაძეს ლევან ჯანგველაძის მკვლელობის საქმეზე ბრალი წარედგინება.