ოცნების ხელისუფლების პარლამენტმა ანტიკორუფციული ბიუროს, პერსონალურ მონაცემთა დაცვის სამსახურის და ბიზნესომბუდსმენის ინსტიტუტის გაუქმებას მხარი საბოლოოდ დაუჭირა.
კანონპროექტის მიხედვით, პერსონალურ მონაცემთა დაცვის სამსახურის ფუნქციებს აუდიტის სამსახური შეითავსებს. ხოლო ბიზნესომბუდსმენის აპარატი გაუქმდა.

11 ნოემბერს, ტელეკომპანია ფორმულამ გაავრცელა ინფორმაცია იმის შესახებ, რომ ანტიკორუფციული ბიუროს ხელმძღვანელი, რაჟდენ კუპრაშვილი თანამდებობიდან გაათავისუფლეს. მოგვიანებით, რაჟდენ კუპრაშვილმა აღნიშნული ინფორმაცია უარყო და განაცხადა, რომ სანამ ეს უწყება იარსებებს, მისი ხელმძღვანელი იქნება.

17 ნოემბერს, ოცნების პარლამენტის თავმჯდომარის, შალვა პაპუაშვილის განცხადებით, 2026 წლის 2 მარტიდან ანტიკორუფციული ბიურო გაუქმდება, მისი ფუნქციები კი სახელმწიფო აუდიტის სამსახურს გადაეცემა.