ლაშა გოგნიაშვილი ცენტრალური კრიმინალური პოლიციის დეპარტამენტის დირექტორის მოადგილედ დაინიშნა. აღნიშნული ინფორმაცია შსს-მ NEWS.On.ge-ს დაუდასტურა.

გოგნიაშვილი თბილისის პოლიციის დეპარტამენტის დირექტორის პოსტზე 7 აპრილს დაინიშნა და 2 თვეში, 10 ივნისს თანამდებობა დატოვა. პოლიციის დეპარტამენტის უფროსობის შემდეგ ის კახეთის პოლიციიდ დირექტორის პოზიციას იკავებდა.

რა ვიცით ლაშა გოგნიაშვილზე?

ნეტგაზეთის ცნობით, 2012 წლის 24 სექტემბერს ქართული ოცნების ქარელის ახალგაზრდული ფრთის ლიდერმა გიორგი ბერუაშვილმა განაცხადა, რომ ქარელის პოლიციის უფროსი ლაშა გოგნიაშვილი, სამ თანმხლებ პირთან ერთად, ქუჩაში დახვდა და მისთვის იარაღის ჩადებას ცდილობდა. გიორგი ბერუაშვილი მაშინ ჰყვებოდა, რომ ლაშა გოგინაშვილი "დღისით-მზისით გაეკიდა, იარაღი დაუმიზნა და სროლით დაემუქრა".