"არსებობს გარკვეული ძალადობრივი ჯგუფები, რომლებიც დღეს უმცირესობაშია და თავიანთი ქმედებებით დიდ უხერხულობას უქმნის მოსახლეობის უმრავლესობას", — ამის შესახებ თბილისის მერმა კახა კალაძემ ჟურნალისტებთან "შეკრებებისა და მანიფესტაციების შესახებ" კანონში დაგეგმილ ცვლილებებზე საუბრისას განაცხადა. მისი თქმით, 30-მა ადამიანმა ჩრდილი არ უნდა მიაყენოს სხვის უფლებებს.

"არსებობს გარკვეული ძალადობრივი ჯგუფები, რომლებიც დღეს უმცირესობაშია და თავიანთი ქმედებებით დიდ უხერხულობას უქმნის მოსახლეობის უმრავლესობას. სიტყვის და გამოხატვის თავისუფლება, რაც დაცულია ჩვენს ქვეყანაში, მნიშვნელოვანია, მაგრამ პირობითად, 30-მა ადამიანმა ჩრდილი არ უნდა მიაყენოს სხვის უფლებებს. ამის სხვა მაგალითებიც შეგვიძლია მოვიყვანოთ, თუ როგორ ხდებოდა მიზანმიმართულად ქუჩების გადაკეტვა და დაბრკოლებების შექმნა. ქვეყანაში ყველას უფლებები უნდა იყოს დაცული", — განაცხადა კახა კალაძემ.