"რუსეთი ამჟამად ვერ ხედავს წინაპირობებს საქართველოსთან პოლიტიკური დიალოგის განახლებისთვის, თუმცა ღიაა საქართველოსთან ურთიერთობების შემდგომი ნორმალიზებისთვის", — ამის შესახებ რუსეთის საგარეო საქმეთა სამინისტრომ "იზვესტიას" განუცხადა.

"რუსეთსა და საქართველოს შორის პოლიტიკური დიალოგის განახლებისთვის წინაპირობები არ არსებობს, რადგან თბილისი სააკაშვილის რეჟიმის დროს არსებულ პოზიციას ინარჩუნებს იმის შესახებ, რომ დიპლომატიური ურთიერთობების აღდგენა დაკავშირებულია რუსეთის მიერ აფხაზეთისა და სამხრეთ ოსეთის აღიარებაზე უარის თქმასთან. ეს მოთხოვნა თავად საქართველოსთვის საზიანო და არარეალურია. მოსკოვმა ხაზგასმით აღნიშნა, რომ რესპუბლიკების სახელმწიფოებრიობის აღიარების გადაწყვეტილებები შეუქცევადია", — ნათქვამია საგარეო უწყების კომენტარში.

რუსული გამოცემა წერს, რომ ამის მიუხედავად რუსეთი ღიაა საქართველოსთან ურთიერთობების შემდგომი ნორმალიზებისთვის იმ დონემდე, რამდენადაც თავად თბილისი მზად იქნება ამისთვის, ხაზგასმით აღნიშნა საგარეო საქმეთა სამინისტრომ.

"ბურთი საქართველოს მოედანზეა. ჩვენი აზრით, ის [საქართველო] სხვებზე მეტად უნდა იყოს ამით დაინტერესებული", — ნათქვამია საგარეო უწყების კომენტარში.