ლიბერალებისა და დემოკრატების ალიანსი ევროპისთვის (ALDE) ეხმაურება BBC-ის ჟურნალისტურ გამოძიებას, სადაც ნათქვამია, რომ 2024 წელს "ქართული ოცნების" რეჟიმმა პროევროპული საპროტესტო აქციების დასარბევად პირველი მსოფლიო ომის დროინდელი ქიმიური იარაღი გამოიყენა.

"ევროპელი ლიბერალები აღშფოთებულნი არიან BBC-ის დღევანდელი გამოძიებით, რომელიც ავლენს, რომ საქართველოს ხელისუფლებამ 2024 წელს მშვიდობიანი, ევროკავშირის მომხრე მომიტინგეების წინააღმდეგ პირველი მსოფლიო ომის დროინდელი ქიმიური იარაღი გამოიყენა, რაც ფუნდამენტური უფლებებზე შოკისმომგვრელი თავდასხმაა!

ჩვენ მხარს ვუჭერთ ჩვენს წევრ პარტიებს და ოპოზიციას, რომლებიც მოითხოვენ დამოუკიდებელი საერთაშორისო გამოძიების ჩატარებას და მოვუწოდებთ პარტნიორებს, შეზღუდონ იმ აღჭურვილობის გადაცემა, რომელიც შეიძლება მშვიდობიანი მოსახლეობის წინააღმდეგ იქნას გამოყენებული.

ჩვენ ბოლო 365 დღის განმავლობაში ვდგავართ საქართველოს მამაცი ხალხის გვერდით დემოკრატიული, ევროპის მომხრე მომავლისთვის ბრძოლაში და ჩვენ გავაგრძელებთ მხარდაჭერას", — წერს ALDE X-ზე.