მავნებელი, რომელსაც აზიური ფაროსანა ჰქვია, საქართველოში პირველად აზიის ტერიტორიიდან, 2015 წელს მოხვდა.

ბოლო რამდენიმე თვის განმავლობაში კი ბაღლინჯომ გამრავლების განსაკუთრებულ ნიშნულს მიაღწია და დასავლეთ საქართველოში მცხოვრები მოქალაქეებისათვის დიდი საფრთხის მატარებელიც გახდა. უფრო კონკრეტულად ის ანადგურებს სასოფლო-სამეურნეო პროდუქტებს, ნებისმიერ ხილსა თუ ბოსტნეულს რომლიდანაც თავისი ძლიერი ხორთუმით წვენის ამოწოვა შეუძლია.

ვინაიდან აზიური ფაროსანა ჩვენი ეკოსისტემისთვის დაუპატიჟებელი სტუმარი აღმოჩნდა, სამწუხაროდ მას ბუნებრივი მტერი არ ჰყავს, შესაბამისად მისი გამრავლება გეომეტრიული სისწრაფით პროგრესირებს.

ცოტა ხნის წინ ინტერნეტში გამოჩნდა ვიდეო, რომელშიც ობობა აზიურ ფაროსანას დაუპირისპირდა და საბოლოოდ საკუთარ ქსელში გახლართა კიდეც.