იარაღის უკანონო შეძენა-შენახვა-ტარებისთვის დაკავებული ოლიმპიურ ჩემპიონს, ზურაბ ზვიადაურს საპროცესო შეთანხმება გაუფორმდა. ის ციხეს პირობითი მსჯავრის და 5 ათას ლარიანი ჯარიმის სანაცვლოდ ოთხ თვეში დატოვებს.

საპროცესო გარიგების მოთხოვნით ზვიადაურმა საგამოძიებო უწყებას თავად მიმართა.

"ბრალდებულსა და ბრალდების მხარის შორის მოხდა შეთანხმება სასჯელზე, რაც ნიშნავს იმას, რომ ზურა ზვიადაურს გაუფორმდა საპროცესო შეთანხმება . შუამდგომლობით მე მივმართე და განცადებით პროკურატურას, ომ გაფორმებულიყო მასთან საპროცესო შეთანხმება და პირობითი გახლავთ 6 თვით თავისუფლების აღკვეთა, ასევე პირობითი მსჯავრი და დამდატებით სასჯელად დაეკისროს ჯარიმა," — თქვა ზვიადაურის ადვოკატმა ტვ პირველთან საუბრისას.

ცნობისთვის, ზურაბ ზვიადაური სამართალდამცავებმა 2025 წლის 16 სექტემბერს დააკავეს და საქართველოს პროკურატურამ ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვა და ტარების ფაქტებზე მას ბრალდება 236-ე მუხლის მესამე და მეოთხე ნაწილით წარუდგინა.

მუხლი 4-იდან 7 წლამდე პატიმრობას ითვალისწინებდა.