საბადური ჰილსი — თანამედროვე სათავგადასავლო კომპლექსი

თბილისიდან მხოლოდ 15 კილომეტრში, ბუნების შუაგულში, გიმასპინძლებთ თანამედროვე სათავგადასავლო კომპლექსი საბადური ჰილსი — ადგილი, რომელიც აერთიანებს დასვენებას, სპორტს, კომფორტსა და თავგადასავალს.

კომპლექსი უკვე მასპინძლობს სტუმრებს, რომლებიც ქალაქის ხმაურიდან დასვენებისა და ბუნების სიმშვიდის შესაგრძნობად იდეალურ გარემოს ეძებენ. საბადური ჰილსი თანამედროვე არქიტექტურითა და მრავალფუნქციური ინფრასტრუქტურით აერთიანებს ყველაფერს, რაც საჭიროა სრულყოფილი განტვირთვისთვის.

კომპლექსის ტერიტორიაზე განთავსებულია 45 მყუდრო ნომერი, რომლებიც ყველა სეზონზე უზრუნველყოფს კომფორტულ გარემოს — ზაფხულის სიმსუბუქიდან ზამთრის თბილ სიმყუდროვემდე.

რესტორანი ქართულ-ევროპული სამზარეულოთი, რომელიც პანორამულ მეოთხე სართულზე მდებარეობს, სტუმრებს სთავაზობს გემრიელ კერძებსა და თვალწარმტაც ხედებს.

სპორტისა და აქტიური ცხოვრების მოყვარულთათვის შექმნილია საერთაშორისო სტანდარტების შესაბამისი, მულტიფუნქციური სპორტული კომპლექსი, რომელიც სრულყოფილ პირობებს უზრუნველყოფს კალათბურთის, ფრენბურთის, ხელბურთის, ფარიკაობის, კრივისა და ჭიდაობის მიმართულებით. მის ტერიტორიაზე განთავსებულია უახლესი ინვენტარით აღჭურვილი ფიტნეს დარბაზი, რომელიც როგორც პროფესიონალ, ისე მოყვარულ სპორტსმენებს იდეალურ გარემოს სთავაზობს.

ბიზნეს სტუმრებს საბადური ჰილსი სთავაზობს საკონფერენციო დარბაზს 45 მონაწილეზე გათვლილი სივრცით - სრულად აღჭურვილს შეხვედრებისთვის, ტრენინგებისა და კორპორატიული ღონისძიებებისთვის.

დასვენებისა და განტვირთვისთვის სტუმრებს შეუძლიათ ისარგებლონ საუნითა და დახურული აუზით, ხოლო კეთილმოწყობილი ეზო ბავშვების გასართობი ზონით, კომპლექსს საოჯახო დასვენების საყვარელ მიმართულებად აქცევს.

საბადური ჰილსი მხოლოდ დასასვენებელი ადგილი არ არის, ეს არის გამოცდილება, რომლის ყოველი დღე თავგადასავალია. სტუმრებს შეუძლიათ ჯირითის გაკვეთილებში მონაწილეობა ან საბადურის ტყეში კვადროციკლებით გასეირნება, რაც კომპლექსს აქტიური ტურიზმისთვის განსაკუთრებულად მიმზიდველს ხდის.

კომპლექსის პანორამული რესტორანი ღიაა ყველასთვის: აქ შეგიძლიათ ჩაატაროთ კორპორატიული წვეულება, კონფერენცია, სპეციალური ღონისძიება ან უბრალოდ მშვიდი საღამო გაატაროთ მეგობრებთან ერთად. აქ სტუმრებს ხვდებათ გამორჩეული ხედები, მრავალფეროვანი მენიუ და მაღალი დონის სერვისი.

საბადური ჰილსის მთავარი მიზანია შექმნას გარემო, სადაც თითოეული სტუმარი საკუთარ რიტმსა და სიმშვიდეს პოულობს: აქტიურ სპორტულ დღეს, სპა-საათს, სამუშაო შეხვედრას ბუნების ფონზე თუ მშვიდ საღამოს პანორამული ხედებით.

ბოლო ამბები:

გირჩევთ