ამერიკის შეერთებული შტატების ფედერალური მთავრობების მუშაობის შეჩერება, ე.წ "შათდაუნი" (shutdown) ისტორიაში ყველაზე ხანგრძლივი გახდა. "შათდაუნი" უკვე 36-ე დღეა მიმდინარეობს და მისი დასრულების პერსპექტივა ჯერ ჩანს — რესპუბლიკელი და დემოკრატი სენატორები ისევ ვერ თანხმდებიან დაფინანსების აღდგენაზე, რაც დაბლოკილი ფედერალური უწყებების ხელახალ ამოქმედებას შესაძლებელს გახდიდა. ამის შესახებ ინფორმაციას The Guardian ავრცელებს.

ამჟამინდელმა "შათდაუნმა" წინა მსგავსი კრიზისული სიტუაციის ხანგრძლივობას, 35 დღეს, გადააჭარბა. წინა "შათდაუნი" 2018 წლის დეკემბრიდან 2019 წლის იანვრამდე გაგრძელდა დონალდ ტრამპის პირველი ვადის პერიოდში, როდესაც კანონის მიღება შეფერხდა აშშ-მექსიკის საზღვარზე კედლის აშენებისთვის საჭირო დაფინანსებისთვის, მისი დაჟინებული მოთხოვნის გამო.

ახლანდელი დაპირისპირება პირველ ოქტომბერს დაიწყო, მას შემდეგ, რაც დემოკრატმა სენატორებმა მთავრობის დაფინანსების კანონისთვის ხმის მიცემაზე უარი თქვეს, თუ მასში არ ჩაერთვებოდა ბაიდენის საგადასახადო კრედიტების გახანგრძლივება, რომლებიც ამცირებს ჯანდაცვის დაზღვევის გეგმების ღირებულებას "ხელმისაწვდომი ჯანდაცვის აქტის" (ACA) ბაზრებზე. ვარაუდობენ, რომ კრედიტების ვადის ამოწურვის შემდეგ 2025 წლის ბოლოს, ათობით მილიონი ამერიკელი დაზღვევის შეძენას ვერ შეძლებს.