აშშ-ის პრეზიდენტმა დონალდ ტრამპმა განაცხადა, რომ თავდაცვის დეპარტამენტს უბრძანა მზად იყოს ნიგერიაში შესაძლო სამხედრო მოქმედებებისთვის. ამის შესახებ ინფორმაციას CNN ავრცელებს.

ტრამპი აგრძელებს ქვეყნის დადანაშაულებას იმაში, რომ არასაკმარისად ცდილობენ ქრისტიანებზე ძალადობის აღკვეთას. ეს ბრალდება ნიგერიამ არაერთხელ უარყო.

სოციალურ მედიაში გამოქვეყნებულ პოსტში, სადაც ის ნიგერიაში ქრისტიანების წინააღმდეგ განხორციელებულ "მასობრივ ხოცვა-ჟლეტას" აკრიტიკებს, ტრამპმა დაწერა, რომ შეერთებული შტატები "მაშინვე შეწყვეტს ყველა სახის დახმარებასა და მხარდაჭერას ნიგერიისთვის" და გააფრთხილა ქვეყნის მთავრობა, რომ "სწრაფად იმოქმედოს."

გრძელი მიმართვის განმავლობაში ტრამპმა აღნიშნა, რომ აშშ "შეიძლება მართლაც შევიდეს ამ, უკვე შეურაცხყოფილ ქვეყანაში, იარაღით ხელში," რათა "სრულად გაანადგუროს ისლამური ტერორისტები, რომლებიც ამ საშინელ სისასტიკეებს სჩადიან."

CNN-ის ინფორმაციით, ნიგერიაში, რომლის მოსახლეობაც 230 მილიონზე მეტია, ძალადობის მსხვერპლი როგორც ქრისტიანები, ისე მუსლიმებიც ხდებიან. ქვეყანაში დაპირისპირება სხვადასხვა ფაქტორითაა განპირობებული: ზოგიერთ შემთხვევაში მას რელიგიური საფუძველი აქვს და ორივე ჯგუფს აზარალებს, სხვაგან კი კონფლიქტები წარმოიშობა ფერმერებსა და მწყემსებს შორის რესურსების სიმცირის გამო, ასევე — ეთნიკურ და საზოგადოებრივ დაძაბულობათა ნიადაგზე.