ევროსაბჭოს საპარლამენტო ასამბლეის (PACE) მონიტორინგის თანამომხსენებლებმა საქართველოს საკითხზე — ედიტ ესტრელამ (პორტუგალია, SOC) და საბინა ჩუდიჩმა (ბოსნია და ჰერცეგოვინა, ALDE) "მმართველი უმრავლესობის გადაწყვეტილების გამო, რომელიც საკონსტიტუციოკონ სასამართლოს ოთხიდან სამი დემოკრატიული ოპოზიციური პარტიის აკრძალვის მოთხოვნით მიმართავს, ღრმა შეშფოთება გამოთქვეს." ამის შესახებ ინფორმაციას PACE-ის ოფიციალურ ვებგვერდზე ვკითხულობთ.

"როგორც ასამბლეამ თავის ბოლო რეზოლუციაში აღნიშნა საქართველოს დემოკრატიისა და კანონის უზენაესობის დაცვის საკითხზე, დემოკრატიული ოპოზიციის აკრძალვა ფაქტობრივად ერთპარტიულ დიქტატურას დაამყარებდა, რაც შეუთავსებელია ევროპის საბჭოს წევრობასთან," — განაცხადეს თანამომხსენებლებმა და მოუწოდეს მმართველ უმრავლესობას, გადახედოს ამ გადაწყვეტილებას და შეაჩეროს ქვეყნის სწრაფი დემოკრატიული რეგრესის პროცესი.

თანამომხსენებლები წლის ბოლომდე თბილისში ფაქტების დადგენის მისიის ჩატარებას გეგმავენ.