ყოფილი პრემიერის, ირაკლი ღარიბაშვილის ცოლის ძმა და "ქართული ოცნების" ყოფილი დეპუტატი ალექსანდრე თამაზაშვილის ირაკლი ღარიბაშვილის მიმართ წაყენებულ კორუფციის ბრალდებებს ეხმაურება:

"უკანონო შემოსავლები და კორუფცია სხვადასხვა ცნებებია. დაველოდოთ გამოძიების დასრულებას და დასკვნები შემდეგ გამოვიტანოთ . დრო ყველაფერს აჩვენებს….

ერთში კი სრულიად დარწმუნებული ვარ: ირაკლის არასოდეს გადაუდგია საქართველოს ინტერესების საწინააღმდეგო ნაბიჯი და არც მომავალში გადადგამს, თუნდაც ეს საკუთარი თავის დაზიანებად დაუჯდეს", — წერს ალექსანდრე თამაზაშვილი სოციალურ ქსელში.

გუშინ, 22 ოქტომბერს, სუს-ის ანტიკორუფციული ბიუროს უფროსმა, ემზარ გაგნიძემ ბრიფინგზე განაცხადა, რომ ყოფილმა პრემიერმინისტრმა ირაკლი ღარიბაშვილმა გამოძიებასთან ითანამშრომლა და "და აღიარა წლების განმავლობაში უკანონო შემოსავლების მიღების ფაქტი". უწყების ინფორმაციით, გამოძიება იმსჯელებს როგორც მისი ქმედების დაკვალიფიცირების, ასევე მის მიმართ აღმკვეთი ღონისძიების შერჩევის საკითხზე.

სუს: ღარიბაშვილის, ლილუაშვილის, ფარცხალაძის და მათთან დაკავშირებული პირების სახლებიდან ამოღებულია $7 მლნ და ₾136 ათასი"

მანამდე, 18 ოქტომბერს, სუს-მა გაავრცელა ინფორმაცია, რომ ირაკლი ღარიბაშვილის, გრიგოლ ლილუაშვილის, ოთარ ფარცხალაძის, რომეო მიქაუტაძის და მათთან დაკავშირებული პირების სახლებიდან ჩხრეკის შედეგად ამოღებულია 7 002 200 აშშ დოლარი და 136 000 ლარი.