"რაც შეეხება გახარიას პარტიის გადაწყვეტილებას, საბოლოო ჯამში ერთი წელი იწვალეს და ბოლოს აღიარეს არჩევნების და შესაბამისად, პარლამენტის ლეგიტიმაცია, — ამის შესახებ ოცნების პრემიერმა, ირაკლი კობახიძემ გახარიას პარტიის პარლამენტში შესვლის გადაწყვეტილებაზე საუბრისას თქვა.

"ეს ყველაფერი მეტყველებს ევროპულ ბიუროკრატიაში და ზოგადად "დიფ სთეითში" არსებულ რთულ მდგომარეობაზე. ხან ასეთ გადაწყვეტილებას იღებენ, ხან ისეთ გადაწყვეტილებას იღებენ. მთავარი ის არის, რომ რეალურად ამით ვერანაირად ვერ ცვლიან ოპოზიციისთვის სასარგებლოდ ვითარებას. ვერანაირ ღირებულებას ვერ შემატებს გახარია და მისი პარტია პარლამენტს. ვერც ვერაფერს დააკლებს, ვერც ვერაფერს შემატებს და ვერც თავისთვის ვერაფერს შემატებს ეს გადაწყვეტილება ამ პარტიას. აქამდე მიიყვანა საბოლოო ჯამში პატრონების კარნახმა ეს პოლიტიკური პარტიები, რაც ძალიან სამწუხაროა მათთვის და ძალიან კარგია ქართული დემოკრატიისა და ჩვენი ქვეყნისთვის", — განაცხადა ირაკლი კობახიძემ.