პარტია გახარია საქართველოსთვის ბოიკოტს წყვეტს, ოცნების პარლამენტში მანდატებს გამოიყენებს და ამასთანავე თვითმმართველობის ორგანოებშიც იწყებს მუშაობას.

პარტიის ლიდერი გიორგი გახარია X-ზე წერს, რომ მიიღეს „გააზრებული და პრინციპული გადაწყვეტილება, რომ აიღონ ჩვენი მანდატები ქვეყნის მასშტაბით ადგილობრივ მუნიციპალიტეტებში და პარლამენტში, რათა დაიბრუნონ პოლიტიკური სივრცე“.

"დღეს ჩვენ, პარტიამ საქართველოსთვის, მივიღეთ გააზრებული და პრინციპული გადაწყვეტილება, რომ ავიღოთ ჩვენი მანდატები ქვეყნის მასშტაბით ადგილობრივ მუნიციპალიტეტებში, ასევე პარლამენტში, რათა დავიბრუნოთ პოლიტიკური სივრცე და ვიბრძოლოთ საზოგადოებრივი აზრისთვის.

2025 წლის ოქტომბრის მუნიციპალური არჩევნების და 4 ოქტომბრის ე.წ. "მშვიდობიანი გადატრიალების" პროვოკაციის მცდელობის შედეგებმა კიდევ ერთხელ აჩვენა, რომ ბოიკოტმა დაცარიელა პოლიტიკური ასპარეზი, დაუცველი დატოვა საქართველოს მოქალაქეები ქართული ოცნების რეჟიმის პროპაგანდისა და რეპრესიების წინაშე, გააძლიერა მისი ავტორიტარული მმართველობა და გააღრმავა რადიკალიზაცია.

ახლა, ჩვენ ყველამ ერთად, უნდა მოვიგოთ ქართველი ხალხის გული და გონება, რათა დავიცვათ ჩვენი ერის ცივილიზაციური არჩევანი, იყოს ევროპული ოჯახის ნაწილი და დავიცვათ საქართველოს კონსტიტუციის 78-ე მუხლი, როგორც ამ არჩევანის ქვაკუთხედ", — წერს გიორგი გახარია.