მთავარი პროკურორის, გიორგი გვარაკიძის განცხადებით, ყოფილი პრემიერმინისტრის, ირაკლი ღარიბაშვილის, სუს-ის ყოფილი უფროსის, გრიგოლ ლილუაშვილისა და ყოფილი გენერალური პროკურორის, ოთარ ფარცხალაძის სახლებში ჩხრეკა ჩატარდა.

უწყების ინფორმაციით, დილის 10 საათიდან 22 ლოკაციაზე სახელმწიფო უსაფრთხოების სამსახურის მიმდინარე გამოძიების ფარგლებში მასშტაბური საგამოძიებო ქმედებები ჩატარდა. გვარაკიძემ ბრიფინგზე განაცხადა, რომ აღნიშნული პირების სახლიდან ელექტრონული მოწყობილობები, დოკუმენტაცია და ფული ამოიღეს.