რესპუბლიკელებმა ე.წ. გამაგრძელებელი რეზოლუცია წარმოადგინეს, რომელიც დამატებითი ინიციატივების გარეშე არსებული ბიუჯეტის დაფინანსების გაგრძელებას გულისხმობს. თუმცა, მათ სენატში მხოლოდ 53 ადგილი აქვთ, კანონპროექტის გასატანად კი 60 ხმა იყო საჭირო.

BBC-ს ინფორმაციით, დემოკრატებმა, საკუთარი საკანონმდებლო ინიციატივის გასატარებლად, აღნიშნული კანონპროექტი ჩააგდეს, რაც დაბალი შემოსავლის მქონე პირებისთვის ჯანდაცვის პროგრამების გაგრძელებას და სახელმწიფო სამედიცინო პროგრამისთვის (Medicaid) ფედერალური დაფინანსების შემცირების გაუქმებას გულისხმობს.

რესპუბლიკელების კანონპროექტს 55-მა სენატორმა დაუჭირა მხარი, 45 წინააღმდეგი იყო.

თეთრი სახლის ვებგვერდზე წამმზომი იყო ჩართული, მთავრობის დახურვის შემდეგ ასეთი წარწერა გამოჩნდა — "დემოკრატებმა მთავრობა დახურეს — ამერიკელები დემოკრატებს არ ეთანხმებიან".

ფოტო: The White House

მოგვიანებით საქართველოში აშშ-ის საელჩომ განაცხადა, რომ "ასიგნებების შეჩერების გამო, ფუნქციონირების სრულ აღდგენამდე, საელჩოს "ფეისბუქის" გვერდი რეგულარულად არ განახლდება". ამ დროისთვის 5 საათია, რაც აშშ-ის მთავრობამ მუშაობა გააჩერა.