პროკურატურამ კოალიცია ლელო — ძლიერი საქართველოს მიერ წარმოდგენილ აუდიოჩანაწერთან დაკავშირებით გამოძიება დაიწყო.

IPN-ის ცნობით, საქმე "სისხლის სამართლის კოდექსის" 162-ე პრიმა მუხლით აღიძრა.

"ჩატარდება ყველა საჭირო საგამოძიებო და საპროცესო მოქმედება. გამოძიების ფარგლებში გამოიკითხება, მათ შორის ის პირი, ვინც ფიგურირებს აუდიოჩანაწერში", — განაცხადეს უწყებაში.

ლელო — ძლიერი საქართველოსა და გახარიას პარტიის მერობის ერთობლივმა კანდიდატმა, ირაკლი კუპრაძემ დღეს გამართულ ბრიფინგზე განაცხადა, რომ მოიპოვეს აუდიომასალა, სადაც ჩანს როგორ ცდილობენ გავლენიანი ბიზნესმენები ლელო — ძლიერი საქართველოს მაჟორიტარების მოსყიდვას.

კუპრაძე აცხადებს, რომ კოალიცია ძლიერი საქართველოს წევრებზე, მაჟორიტარებზე, მერებზე, ადგილობრივ ლიდერებზე მიმდინარეობს ძალადობრივი ზეწოლა და შეტევა ანტი ქართული ოცნების, ივანიშვილის, კახა კალაძის და სუს-ის მხრიდან".