"დიდი პატივისცემა და მადლობა ყველას, ვინც გუშინ ღამით თბილისში გამოვიდა, რათა მადლიერება გამოეხატა გერმანიის მიმართ და სოლიდარობა გამოეხატა ჩემ მიმართ", — ამის შესახებ X-ზე საქართველოში გერმანიის ელჩი პეტერ ფიშერი წერს.

"დიდი პატივისცემა და მადლობა ყველას, ვინც გუშინ ღამით თბილისში გამოვიდა, რათა მადლიერება გამოეხატა გერმანიის მიმართ და სოლიდარობა გამოეხატა ჩემ მიმართ, უცხოელ დიპლომატებზე თავდასხმების შეწყვეტის მოთხოვნისა და საქართველოს დემოკრატიისა და ევროპული გზის განვითარებაში ჩვენი წვლილის აღიარებისთვის. საქართველოს აქვს ევროკავშირის მიწვევა. გერმანია და ევროკავშირი ამისთვის ვართ აქ", — წერს X-ზე საქართველოში გერმანიის ელჩი პეტერ ფიშერი.

ცნობისათვის, გუშინ 28 სექტემბერს საქართველოში გერმანიის საელჩოსთან შეიკრიბნენ და "ქართულ-გერმანული მეგობრობის" მსვლელობა მოაწყვეს. მათ სოლიდარობა გამოუცხადებს საქართველოს გერმანიის ელჩს, პეტერ ფიშერს და გერმანიას საქართველოსთვის გაწეული მხარდაჭერისთვის.

"ვუცხადებთ სოლიდარობას ელჩს. ჩვენ განსაკუთრებულ მადლობას ვუცხადებთ გერმანიის ფედერალურ რესპუბლიკას. მოვუწოდებთ საქართველოს ხელისუფლებას დაიცვას დიპლომატიური პროტოკოლი, შეწყვიტოს უცხოელი დიპლომატების წინააღმდეგ მიმართული თავდასხმები და აღიაროს გერმანიის ფასდაუდებელი წვლილი საქართველოს დემოკრატიულ და ევროპულ განვითარებაში. საქართველო საჭიროებს ძლიერ პარტნიორებს და არა კონფრონტაციას. ჩვენ მტკიცედ ვდგავართ ჩვენი ევროპელი მეგობრების გვერდით და ვიცავთ იმ ღირებულებებს, რომლებიც საქართველოს ევროპული ოჯახის განუყოფელ ნაწილად აქცევს. ერთად ევროპისაკენ, ერთად ევროპისათვის!", — ეწერა განცხადებაში, რომელიც საელჩოსთან აქციის ერთ-ერთმა მონაწილემ წაიკითხა.

შეკრებილები გერმანიის საელჩოდან მსვლელობით რუსთაველის გამზირისკენ გაემართნენ და პარლამენტთან შეკრებილებს შეუერთდნენ.