"სიცრუეა POSTV-ის მიერ გავრცელებული ინფორმაცია, თითქოს "ტვ პირველში" ფარული შეხვედრებისთვის ოთახი გამოგვიყვეს" — ამის შესახებ კოალიცია ცვლილებისთვის გავრცელებულ განცხადებაში წერს.

მათი თქმით, "მსგავსი პროპაგანდისტული ამბის გავრცელება წარმოადგენს უპრეცენდენტო წინააღმდეგობის მოძრაობის კრიმინალიზების მცდელობას"

"რეჟიმის პროპაგანდისტული მანქანის, მედიადწოდებული PosTV-ის მიერ დღეს გავრცელებული ინფორმაცია, რომ თითქოს კოალიცია ცვლილებისთვის წევრებს "ტვ პირველის" შენობაში ფარული შეხვედრებისთვის ოთახი გამოგვიყვეს, სადაც კანონსაწინააღმდეგო ქმედებები იგეგემება, არის სიცრუე.

რუსული სტილის მსგავსი პროპაგანდისტული "ახალი ამბის" გავრცელება რეალურად წარმოადგენს დამოუკიდებელ და თავისუფალ კრიტიკულ მედიაზე ზეწოლას და საზოგადოების თვალში საქართველოს ისტორიაში უპრეცენდენტო წინააღმდეგობის მოძრაობის კრიმინალიზების მცდელობას," — ნათქვამია განცხადებაში.

ცნობისთვის, POSTV-მ დღეს, 26 სექტემბერს, "TV პირველთან დაკავშირებით გაავრცელა ინფორმაცია, თითქოს ტელევიზიის ტერიტორიაზე საიდუმლო შეხვედრებისთვის კოალიციას ცვლილებებისთვის ოთახი გადაეცა, სადაც კანონსაწინააღმდეგო ქმედებები იგეგმება. სამთავრობო მედიის ინფორმაციას სიცრუე უწოდა "ტვ პირველმა". ტელეკომპანიის განცხადებით, ქართული ოცნების პარლამენტის, თავდაცვისა და უსაფრთხოების კომიტეტის თავმჯდომარის პირველი მოადგილის შეფასებები, შეიძლება ტელევიზიის ტერიტორიაზე შესვლისა და არხის მაუწყებლობის შეწყვეტისთვის წინასწარ გადადგმული ნაბიჯები იყოს.