ერთი მილიარდი დოლარის მითვისების საქმეში ბრალდებული ვლადიმერ პლახოტნიუკი კიშინიოვში ჩაიყვანეს. როგორც DW წერს, მისმა დაბრუნებამ შესაძლოა გავლენა მოახდინოს მოლდოვაში დაგეგმილ საპარლამენტო არჩევნების შედეგებზე.

მოლდოვის ერთ-ერთი უმდიდრესი ადამიანი და პარლამენტის ყოფილი წევრი, ვლადიმერ პლახოტნიუკი საბერძნეთიდან ექსტრადირების შემდეგ, ხუთშაბათს, 25 სექტემბერს, კიშინიოვში დააბრუნეს. NewsMaker.md-ის ცნობით, თეთრი პერანგითა და მუქ ქუდში გამოწყობილი მამაკაცი ხელბორკილებით გადმოიყვანეს თვითმფრინავიდან ფორმიანმა მამაკაცებმა და მანქანაში ჩასვეს.

პლახოტნიუკი ე.წ. "საუკუნის ქურდობის" — 2013 წელს მოლდოვას საბანკო სისტემიდან 1 მილიარდი დოლარის გაუჩინარების — მთავარ ფიგურანტად ითვლება. ეს თანხა ქვეყნის მშპ-ს დაახლოებით 12 პროცენტს შეადგენდა. ბიზნესმენი ბრალდებებს უარყოფს.