საბერძნეთში გაქცეული მოლდოველი ოლიგარქი, დემოკრატიული პარტიის ყოფილი ლიდერი ვლად პლახოტნიუკი დააკავეს, რომელიც ცნობილია როგორც "მოლდოვას ბატონი". ამის შესახებ ინფორმაცია 22 ივლისს მოლდოვის პოლიციამ გაავრცელა.

სამართალდამცავმა ორგანოებმა აღნიშნეს, რომ ინფორმაცია საბერძნეთის ინტერპოლიდან მიიღეს.

"ათენში, საბერძნეთში, ინტერპოლის ოფიციალურმა საკომუნიკაციო არხებმა გვაცნობეს, რომ მოლდოვის ორი მოქალაქე დააკავეს. ერთ-ერთი მათგანი ვლადიმერ პლახოტნიუკია", —ნათქვამია პოლიციის განცხადებაში.

გამოცემა NewsMaker-ის წყაროების ცნობით, მეორე დაკავებული ყოფილი მოლდოველი პარლამენტის წევრი, პლახოტნიუკის თანამოაზრე, კონსტანტინ ცუცუა.

როგორც "ევროპეისკაია პრავდა" წერს, პლახოტნიუკი მოლდოვიდან 2019 წლის ივნისში გაიქცა, შედეგ გარკვეული პერიოდის განმავლობაში შეერთებულ შტატებში ცხოვრობდა, მაგრამ 2020 წლის იანვარში მისი იქ ყოფნა არასასურველად მიიჩნიეს.

გამოცემა წერს, რომ დაუდასტურებელი ინფორმაციით, იგი შემდგომში ჩრდილოეთ კვიპროსში იმყოფებოდა.

მოლდოვაში მის სახელზე სამ სისხლის სამართლის საქმეზე დაპატიმრების ორდერი გაიცა. ინტერპოლმა პლახოტნიუკი საერთაშორისო ძებნილთა სიაში 2025 წლის 7 თებერვალს შეიყვანა.

ინტერპოლის ცნობით, პლახოტნიუკს მოლდოვას, რუმინეთის, რუსეთის და მექსიკის პასპორტები აქვს. მექსიკის საგარეო საქმეთა სამინისტრომ დაადასტურა, რომ პლაჰოტნიუკის მექსიკური პასპორტი ყალბია.

2022 წლის ოქტომბერში შეერთებულმა შტატებმა პლაჰოტნიუკის წინააღმდეგ სანქციები დააწესა.