ოცნების ხელისუფლების შინაგან საქმეთა მინისტრი გელა გელაძე ჩინეთის სახალხო რესპუბლიკაში, ოფიციალური ვიზიტით იმყოფება. შსს-ს ცნობით, ის გლობალური საზოგადოებრივი უსაფრთხოების თანამშრომლობის ფორუმში მონაწილეობს, რომელიც ქალაქ ლიანიუნგანგში იმართება.

ფორუმის მთავარი თემაა გლობალური უსაფრთხოების უზრუნველყოფის საკითხები, რომელსაც მსოფლიოს 120 ქვეყნის ლიდერები განიხილავენ.

ვიზიტის ფარგლებში, ასევე დაგეგმილია ორმხრივი შეხვედრა ოცნების ხელისუფლების
შინაგან საქმეთა მინისტრსა და ჩინეთის სახალხო რესპუბლიკის საზოგადოებრივი
უსაფრთხოების მინისტრს შორის. ჩინეთის სახალხო რესპუბლიკაში იმყოფებიან ასევე ოცნების ხელისუფლების შს მინისტრის მოადგილეები ალექსანდრე დარახველიძე და შალვა თადუმაძე.