"ახლა ჩეხეთიდან გესაუბრებით, ჩვენ არ გვაქვს ერთსქესიანთა ქორწინება და ჩეხეთი ევროკავშირის წევრი უკვე 21 წელია არის," — ამის შესახებ ევროპარლამენტარმა მარკეტა გრეგოროვამ ჩეხეთიდან TV პირველთან ინტერვიუში განაცხადა და აღნიშნა, რომ ერთსქესიანთა ქორწინება EU-ს ქვეყნების უმრავლესობაში არ არსებობს.

მისივე თქმით, ერთსქესიანთა ქორწინება ევროკავშირში ინტეგრაციასთან არანაირ კავშირში არ არის.

"ოცნების პროპაგანდა რა თქმა უნდა, ტყუილია, რადგან ერთსქესიანთა ქორწინება ევროკავშირის ქვეყნების უმრავლესობაში საერთოდ არ არსებობს. ახლა ჩეხეთიდან გესაუბრებით, ჩვენ არ გვაქვს ერთსქესიანთა ქორწინება და ჩეხეთი ევროკავშირის წევრი უკვე 21 წელია არის. გინდათ თქვათ, რომ რაღაცის გაკეთებას 21 წლის განმავლობაში უშედეგოდ გვაიძულებენ?! ეს ხომ ნონსენსია?! ეს საკითხი ევროკავშირში ინტეგრაციასთან არაფერ კავშირში არ არის.

ევროკავშირში ინტეგრაცია არ იქნება თუ ოცნება გააგრძელებს იმის კეთებას, რასაც ახლა ვხედავთ. ეს მათ ძალიან კარგად იციან. ისინი იღებენ ევროპულ კანონმდებლობასთან შეუთავსებელ კანონებს. მათ კარგად იციან, რომ ევროინტეგრაცია სხვა ბევრ რამესთან ერთად მოიცავს საკანონმდებლო ბაზის თანხვედრაში მოყვანას ევროპულ კანონმდებლობასთან.

ისინი იყვნენ პირველები ვინც გადადგეს ნაბიჯი ევროკავშირის წინააღმდეგ და ახლა რასაც ვხედავთ, ევროკომისიის მხრიდან მხოლოდ რეაქციაა. გულწრფელად რომ გითხრათ, ძალიან რბილი რეაქციაა... ზედმეტად რბილიც კი," — განაცხადა მარკეტა გრეგოროვამ.