სახალხო დამცველი ლევან იოსელიანი N5 პენიტენციურ დაწესებულებაში იმყოფებოდა და ქალ ბრალდებულებს/მსჯავრდებულებს შეხვდა.

ომბუდსმენის აპარატის ინფორმაციით, იოსელიანმა ქალი პატიმრებისგან მათი განთავსების პირობების და უფლებების დაცვის მდგომარეობის შესახებ ინფორმაცია მოისმინა.

სახალხო დამცველი აპარატის ცნობით, ლევან იოსელიანმა მზია ამაღლობელი და ნინო დათაშვილიც მოინახულა.

"ნინო დათაშვილს ეცნობა, რომ მისი ჯანმრთელობის კონკრეტული პრობლემის შესახებ 2025 წლის 10 სექტემბერს სახალხო დამცველმა რეკომენდაციით საქართველოს იუსტიციის მინისტრს მიმართა. აპარატი მისი უფლებების დაცვაზე აქტიურ ზედამხედველობას მომავალშიც გააგრძელებს," — აღნიშნულია სახალხო დამცველი აპარატის მიერ გავრცელებულ ინფორმაციაში.

ლევან იოსელიანი შეხვდა დაწესებულების ადმინისტრაციასაც და ციხის ინფრასტრუქტურა დაათვალიერა.