ლაგოდეხის დაცულ ტერიტორიებზე ხის კენწეროების ბილიკი მოეწყობა. დაცული ტერიტორიების სააგენტოს ცნობით, ხის კენწეროების ბილიკები მოიცავს კოშკურებს, საჰაერო ბილიკს, ხიდებს, საგანმანათლებლო და საინტერპრეტაციო ინტერაქტიულ პორტალებს:

"მსგავსი ბილიკი ხელს უწყობს ტურისტული ნაკადების ზრდას, რაც ხელს შეუწყობს ლაგოდეხის მუნიციპალიტეტში დამატებითი სამუშაო ადგილების გაჩენას. ბილიკი, წინასწარი გათვლებით ერთი წლის განმავლობაში 60 ათასიდან - 100 ათასი ადამიანის მასპინძლობას შეძლებს."

ფოტო: დაცული ტერიტორიების სააგენტო

სააგენტოს ინფორმაციით, ხის კენწეროების ბილიკის მოწყობის საერთაშორისო ტენდერი ბუნების დაცვის მსოფლიო ფონდის (WWF) კავკასიის წარმომადგენლობამ გამოაცხადა. ბილიკის მოწყობის , ფინანსური მხარდამჭერი გერმანიის ეკონომიკური თანამშრომლობისა და განვითარების სამინისტრო (BMZ) და გერმანიის რეკონსტრუქციის საკრედიტო ბანკია (KFW). დაინტერესებულმა პირებმა სატენდერო წინადადებები მიმდინარე წლის 13 ნოემბრამდე უნდა წარადგინონ.