ამერიკული Vogue-ს ახალი მთავარი რედაქტორი — ქლოე მალი — არ უარყოფს იმ ფაქტს, რომ მას კავშირები ნეპოტიზმის მეშვეობით აქვს.

Vogue-ის სამშაბათს გაკეთებულ განცხადებაში ვკითხულობთ, რომ ანა ვინტურმა მთავარ რედაქტორად ქლოე მალი დანიშნა, მას შემდეგ, რაც თავად ვინტურმა მთავარი რედაქტორის პოზიცია, ივნისში დატოვა.

მალი Vogue-ს 2011 წელს შეუერთდა და სოციალური მედიის რედაქტორის თანამდებობა ეკავა, 2023 წლიდან ის Vogue.com-ის რედაქტორად დაინიშნა.

ფოტო: Getty Images

ახალ თანამდებობასთან დაკავშირებით ამერიკული Vogue-ს ახალმა რედაქტორმა ჟურნალ The New York Times-თან ისაუბრა, სადაც აღნიშნა, რომ "ამაყი ნეპო ბავშვია". ქლოეს თქმით, Vogue-ში მისი წარმატებული კარიერა, ოსკარის ნომინანტი მშობლების დამსახურებაა.

"ორი აზრი არ არის, რომ იმ პრივილეგიით ვისარგებლე, რომელშიც გავიზარდე", — თქვა მან — "სხვა რამის მტკიცება ილუზია იქნებოდა, თუმცა, ვიტყვი, რომ "ნეპო ბავშვად" ყოფნა მაძლევდა მოტივაციას, რომ უფრო მეტად მემუშავა... ჩემი ცხოვრების მიზანი იმის დამტკიცება იყო, რომ უფრო მეტი ვარ, ვიდრე კენდის ბერგენის შვილი ან ბევერლი ჰილზში გაზრდილი ადამიანი".

ქლოე მალის დედა, კენდის ბერგენი, ოსკარის ნომინანტი მსახიობია, რომელიც ცნობილია ისეთ პროექტებში მონაწილეობით, როგორებიცაა — მერფი ბრაუნი, Miss Congeniality, პატარძლების ომები და Boston Legal. მან ოსკარის ნომინაცია 1980 წელს, საუკეთესო მეორეხარისხოვანი როლის შემსრულებელი მსახიობის ნომინაციაში მიოიპოვა ფილმისთვის თავიდან დაწყება.

ქლოე მალი მშობლებთან ერთად

ქლოე მალი მშობლებთან ერთად

ფოტო: Paris Match/Getty

ხოლო ქლოეს მამა, ლუი მალი, რეჟისორი და სცენარისტია, მას ოსკარის სამი ნომინაცია აქვს. ის 1982 წელს წარდგენილი იყო საუკეთესო რეჟისორის ნომინაციაში ფილმისთვის Atlantic City.

მალემ ინტერვიუში ასევე აღნიშნა, რომ Vogue-ის ახალი რედაქტორის ამპლუაში აპირებს "სხვადასხვა საკითხზე ორიგინალური, მახვილგონივრული, უხეშად ირონიული და ხალისიანი ხედვების შეთავაზებით" შექმნას "უფრო პირდაპირი, მცირე და ჯანსაღი აუდიტორია".

აღსანიშნავია, რომ ვინტური გამოცემას მთლიანად არ ტოვებს, ის Vogue-ის გლობალური სარედაქციო დირექტორის პოზიციას შეინარჩუნებს და Condé Nast-ის კონტენტ-ოფიცრის თანამდებობას გააგრძელებს.

სიმართლე ისაა, რომ ანას ვერავინ შეცვლის... ბედნიერი ვარ, რომ ის Vogue-სა და Condé Nast-ში რჩება

— თქვა ამერიკული Vogue-ს ახალმა რედაქტორმა.

ამავე თემაზე: