ვაშინგტონის კორესპონდენტი სამხრეთ კავკასიაში ალექს რაუფოღლუ წყაროებზე დაყრდნობით წერს, რომ სენატორი მალინი აქტიურად ბლოკავს MEGOBARIA აქტის თავდაცვის ავტორიზაციის აქტში (NDAA) ჩართვას.

მისი თქმით, "ეს არის ფარული ნაბიჯი ანტიამერიკული ქართული ოცნების რეჟიმის დასაცავად და ქართველი ხალხის მისატოვებლად".

"რატომ მარხავს ოკლაჰომას სენატორი სასიცოცხლოდ მნიშვნელოვან კანონპროექტს "რუსული ოცნების" სასარგებლოდ?

"MEGOBARI აქტი" სასიცოცხლოდ მნიშვნელოვანი ინსტრუმენტია ქართული ოცნების რეჟიმის დემოკრატიული უკუსვლისა და რუსული სტილის კანონების მიღებისთვის პასუხისმგებლობის დასაკისრებლად.

კანონპროექტი წარმომადგენელთა პალატამ წელს დასაწყისში მიიღო და მას 98 სენატორი უჭერს მხარს.

მხოლოდ ორს არ აქვს გადაწყვეტილება მიღებული და მალინი ერთ-ერთი მათგანია.

"MEGOBARIA აქტის"მიღების ხელის შეშლა ანტიამერიკული, ირანის ისლამური რესპუბლიკის სიმპათიზებული, ჩინეთის მიერ მხარდაჭერილი „რუსული ოცნების“ რეჟიმის მხარდაჭერის მიზნით შემაძრწუნებელი გზავნილია ყველასთვის, ვისაც სამხრეთ კავკასია ადარდებს.

გაურკვევლობის ადგილი არ არის, როდესაც საქმე ეხება ქართველი ხალხის ევროპული მისწრაფებების მხარდაჭერას!", — წერს რაუფოღლუ.

NDAA ეროვნული თავდაცვის ავტორიზაციის აქტია, რომელიც ყოველწლიურად მიიღება თავდაცვის დეპარტამენტის (DOD) ბიუჯეტის ავტორიზაციისა და პოლიტიკის დასადგენად.