"გახარია დაბრუნდება მაშინ საქართველოში, როცა იქნება საჭირო. ივანიშვილის და "ნაცების" სურვილი, გახარიამ შეწყვიტოს პოლიტიკური საქმიანობა, რა თქმა უნდა, დარჩება აუხდენელი" — ასე პასუხობენ გახარია საქართველოსთვის პარტიაში კითხვას, როდის დაბრუნდება ოცნების ყოფილი პრემიერი გიორგი გახარია საქართველოში.

ანა ბუჩუკურის განცხადებით, "გახარია არის იქ, სადაც ყველაზე ეფექტური არის სახელმწიფოსთვის და საერთო საქმისთვის".

პარტიაში ეხმაურებიან სამთავრობო მედიის მიერ გავრცელებულ ინფორმაციასაც იმის შესახებ, რომ გახარიამ გერმანიაში ბინადრობის უფლება მოიპოვა, თუმცა ამის საპასუხოდ კონკრეტულს ვერაფერს ამბობენ.

"გახარია დაბრუნდება მაშინ საქართველოში, როცა იქნება საჭირო. ივანიშვილის და ნაცების სურვილი, გახარიამ შეწყვიტოს პოლიტიკური საქმიანობა, რა თქმა უნდა, დარჩება აუხდენელი. გახარია არის იქ, სადაც ყველაზე ეფექტური არის სახელმწიფოსთვის და საერთო საქმისთვის, რაც შეეხება ბინადრობის მოწმობას, ევროკავშირში ხანგრძლივი საქმიანობისთვის პროცედურები, რაც საჭიროა, გახარია ამ პროცედურებს გააკეთებს და გაივლის. მე ვერ ვხდები რა არის საერთოდ კითვის ნიშანი აქ, ან რა არის გასაკვირი, ან კითხვა რაში მდგომარეობს საერთოდ," — TV პირველის ცნობით, განაცხადა ანა ბუჩუკურმა.

ცნობისთვის, ოცნების ყოფილმა პრემიერმინისტრმა გიორგი გახარიამ საქართველო ოცნების პარლამენტის დროებით საგამოძიებო საგამოძიებო კომისიაზე მეორედ დაბარებამდე დატოვა. კომისიის ხელმძღვანელის, თეა წულუკიანის თქმით, როდესაც 21 ივნისს გახარიას მათი წარმომადგენელი დაუკავშირდა, ის საქართველოში აღარ იმყოფებოდა და კომისიას ონლაინ რეჟიმში ჩართვა შესთავაზა. გიორგი გახარია მეორედ 23 ივნისს უნდა გამოკითხულიყო, თუმცა, საბოლოოდ, კომისიის სხდომას 2 ივლისს ონლაინ ჩაერთო.

უცნობია როდის დაბრუნდება პარტია გახარია — საქართველოსთვის ლიდერი საქართველოში.

ასევე იხილეთ: