საფრანგეთის პრეზიდენტი ემანუელ მაკრონი, გერმანიის კანცლერი ფრიდრიხ მერცი და პოლონეთის პრემიერმინისტრი დონალდ ტუსკი, მოლდოვას დამოუკიდებლობის 34-ე წლისთავის აღსანიშნავად, კიშინიოვს ეწვევიან. ამის შესახებ ინფორმაციას ფრანგული მედია ავრცელებს.

მოლდოვის პრეზიდენტ მაია სანდუს მოწვევით მას,"ვაიმარის სამკუთხედის" სამი ქვეყნის ლიდერი ოფიციალური განცხადებების გასაკეთებლად შეუერთდება, რის შემდეგაც ისინი კიშინიოვის დიდი ეროვნული კრების მოედანზე დაგეგმილ საჯარო კონცერტზე მოქალაქეებს მიმართავენ.

"ვაიმარის სამკუთხედის" ლიდერები ცდილობენ გაუსვან ხაზი მოლდოვას სუვერენიტეტისა და ევროპული გზის მხარდაჭერას იმ დროს, როდესაც ევროკავშირის დედაქალაქები განიხილავენ, უნდა დაიწყონ თუ არა მოლდოვასთან გაწევრიანების მოლაპარაკებების პირველი რაუნდი.

ელისეის სასახლეში განაცხადეს, რომ ვიზიტი "დაადასტურებს მოლდოვას უსაფრთხოების, სუვერენიტეტისა და ევროპული გზის სრულ მხარდაჭერას".