გორის საკრებულოს თავმჯდომარის, დავით რაზმაძის პრორუსული განცხადების შემდეგ, გორში, 25 აგვისტოს, 16:00 საათზე საკრებულოს შენობის წინ აქცია გაიმართება.

"ყველა ქვეყნის მოღალატემ პასუხი უნდა აგოს ხალხის წინაშე!ყველა ქვეყნის მოღალატემ პასუხი უნდა აგოს ხალხის წინაშე!" — აღნიშნავენ აქციის ორგანიზატორები.

"მრავალი წელია რაც რუსული იმპერია გვართმევს თავისუფლებას, სიცოცხლეს და მომავლის რწმენას. ჩვენმა ქვეყანამ დაკარგა ტერიტორიები, ათასობით ადამიანი შეეწირა რუსეთის აგრესიას, უამრავი ოჯახი დღემდე ვერ ბრუნდება საკუთარ მიწაზე, ხოლო მცოცავი ოკუპაცია ყოველდღიურად გრძელდება და ამჯერად ქართველების ხელით.

მაღალი თანამდებობის პირები, რომლებიც ამართლებენ ოკუპაციას და შესაბამისად, ღიად უჭერენ მხარს რუსეთის მიერ ჩადენილ დანაშაულებს საქართველოში, არიან ქართველი ხალხის და ქართული სახელმწიფოს მოღალატეები.

ეს ადამინები შეურაცხყოფენ ჩვენს გმირებს და ლახავენ ქართველების ღირსებას; მათ არ შეიძლება ეკავოთ თანადებობა, იღებნენ სარგოს ქართველი ხალხის გადასახადებიდან და საუბრობნენ ქართველი ხალხის სახელით.

— საქართველო ოკუპაციას არასოდეს შეეგუება!
— ყველა ქვეყნის მოღალატემ პასუხი უნდა აგოს ხალხის წინაშე!
ჩვენ ვამბობთ მკაფიოდ: რუსეთი არის მტერი და ოკუპანტი!" — წერენ აქციის ორგანიზატორები გავრცელებულ განცხადებაში.

შეგახსენებთ, გორის საკრებულოს თავმჯდომარემ ქართული ოცნებიდან დავით რაზმაძემ New York Times-თან ინტერვიუში განაცხადა, რომ აგვისტოს ომში რუსები "მშვიდობისმყოფელებად მოვიდნენ" და "მიშას ხულიგნები მთელ ქალაქს ძარცვავდნენ". საზოგადოების მწვავე რეაქციის შემდეგ დავით რაზმაძემ NYT-ის ჟურნალისტი, სკოტ ანდერსონი ინტერვიუს გაყალბებაში დაადანაშაულა. გორის ოცნების საკრებულოს თავმჯდომარეს New York Times-მა უპასუხა და განაცხადა, რომ სტატიაში დავით რაზმაძის სიტყვები სრული სიზუსტით დაიბეჭდა.

ასევე იხილეთ: